سجين يحاول تهريب ممنوعات داخل «حذاء» بالجبيل

أسهمت يقظة رجال الأمن بسجن محافظة الجبيل العام في إجهاض محاولة لإدخال أدوات حادة وجوالات داخل السجن تم اخفاؤها بطريقة مبتكرة داخل حذاء رجالي لأحد المساجين وذلك بعد أن أمضى يوماً منحته له إدارة السجن مع أسرته في الخلوة الشرعية. من جانبه أكد مدير سجن الجبيل الرائد خالد الرويس أن تفاصيل الواقعة تعود لاشتباه رجال أمن البوابة الداخلية التي تؤدي للعنابر في أحد السجناء بعد أن أمضى يوماً منحته له إدارة السجن مع أسرته في الخلوة الشرعية، وعند تفتيشه عثر داخل حذائه على أدوات حادة وجوالات وضعها بطريقة محكمة، لافتا إلى أنه تم اتخاذ كافة الإجراءات اللازمة حيال الواقعة وفقا لصحيفة اليوم .
وأوضح الرويس ان يقظة رجال الأمن في الإلمام بأسلوب السجناء المبتكرة لإدخال الممنوعات حالت دون دخول الممنوعات إلى السجن، مشيرا الى أن رجال الأمن بارعون في التصدي لظاهرة تمرير الممنوعات بجميع أنواعها حيث تعد تلك المخالفات خطراً على المخالفين أنفسهم، الذين ستطبق بحقهم التعليمات والأوامر المنظمة في مثل هذه الحالات والتي تنتهي بمحاكمة عادلة لقضية أخرى مُستحدثة غير التي أدخل بسببها السجن.
طيب الي مهرب للسجين الممنوعات أقصد كالمخدرات وأشياء شديدة الخطورة عادي يمشي بدون عقاب
شين وقوي عين ماااالت عليك خخخخخخخخخخخخ لومستغل ذكاك بشي احسن من هالخرابيط وبدل مجلاسك بالسجن بس اصحااااب العقول براااحه خخخخخخخخ
اكيد عشان العسكر يبيعون الجوال
والله العظيم قريب لي كان مسجون قبل رمضان شرا جوال من العسكري ب2300 ريال
والجوال الكشاف مايسوى 300 ريال
يقضة رجال الأمن و لا يقضة جهاز كشف المعادن
طالع الممنوعات جوالات
الله يكون بالعون
اجمل كلمات قيلة في السجن لرجل شعبي
ماهمني السحن عابر
كل همي شوفتكم
باشكي لغربتكم
ياونتي ونة المسجون
الي اهله مايزورنه
لاضق صدره غدا مجنون
والباب خلفه يصكونه
السجن طالت بي ايامه
ياناس من عشرته مليت
ايش العمل طالت ايامه
ويلاه ياجلستي في البيت
هذا السجن بين الخافي
بين عدوي من الاصحاب
عرفت الصاحب الوافي
وعرفت الصاحب الكذاب
يارب تفتح لي البيبان
السجن وان طالت احزانه
لابد ويوم تخرج فيه
كالجرح وزالت الالمه
وله الايام تشفيه
السحن يعطي الرجل عبره
على طول الايام يطريها
من يوم ربي خلق فينا
شيمه وعزة وكرامة نفس
ثقافتي منتشرة حتى في الثقافة الشعبية الى الاوروبي
طيب اش المشكله اش سوى من جرم عشان دخل جوال
اقول يا حبكم للهياط
وش الفايده مسكتوه وفيه مثله ملايين
وبعدين اين جهاز قطع الشبكه في السجن تم تطبيقه ولم يتم التعميم عنه
طريقة مبتكرة!!!!!!! الشعب من قدييييييييييم يعرفها ... نرجوا احترام العقول
بسم الله الرحمن الرحيم
حال السجون عندنا بالسعوديه
1_ اكبر ترويج للمخدرات فالسجن
2_ أكثر قضايا اللواط بالسجن
2_جميع الممنوعات تدخل للمساجين من حشيش وشراب ورق شام وجولات
وهذا كلام كل اللي يطلعون من السجون اول ماتقوله كيف السجن يقولك
كل الخراب عندنا
يعني سجون مالها قيمه بل أكثر أفساد للسجين من أصلاحه
فياليت المسؤلين يعالجون السجون لن كثييير من العسكر يقوم بمخالفات كبيره
ويستغلون حراسة السجون يقومون بدخال الممنوعات مقابل مبالغ كبيره
لدرجة أن ترويج المخدرات بالسجن أكثر دخل من الخارج وآمن من الترويج برا السجن
أما السجون اللي لايدخل عليهم حتى الهواء فهذه السجون السياسيه
فالحاير وعليشه وذهبان والرويس ورابغ وغيرها كثير القصيم وغيره
هذه الفئيه عليها حرسات كومندسيه وكيمرات حراريه وتشديدات رقابيه
ولكن لهم الله لدرجة أن احدهم رىى الرسول صلى الله عليه وسلم بالمنام
فشكى حاله إلى النبي فقال له الحبيب صلى الله عليه وسلم أن صبرت أنت وآخوانك الذين معك فلكم الجنه.
ولكن القضايا الاخراء حالها حال والله المستعان تحتاج لدراسه نفسئيه وبئيه وأجتماعيه,
ههههههههههههههه
كفوا و اللة عز اللة منتم رافعين روسكم حدكم نعول
لا مو شرط كل العسكر نجسين وياخذنه عشان مصلحتهم الخاصه (في البدايه هاذا مخالف حسب القانون ) ولاكن انا قد مريت في موقف مثل هاذا وجلست في التوقيف آسبوع كامل والله وثم والله انهم رجال آذا كنت رجال معهم وآخلاق ومو كل شئ تاخذه بل القوه !!! انا دخلت جهازي وخبيته بل الفنيله الداخليه والعسكري شافني وما قال لي شئ مو عشان ماله شخصيه الا عشان شافني آخلاق معه وما آسبب مشاكل والتوقيف نفسه فيه شاحن جوال عيني عينك تشوفه اول ما تدخل والعسكر ما يقولون شئ وكل شئ موجود والحمد الله آبسط حقوقك تاخذها ... ب آستثناء الأشياء الي تدمر العقل والنفس والمال وآنتو تعرفون وش آقصد .. ب ها الشئ ما راح يتساهلون معاك وراح يعاقبونك آشد عقاب
كل الي آقوله وسع الله صدورهم وجعل والديهم بل الجنه وما قصرو سواء معي او مع غيري
أي يقضة وأي خاربيط الكل عارف أن الحرامية الموجودين بالسجن هم من يخطط وتكتك للجرايم خارجة ووسائل الاتصال بينهم متوفرة جت على هالجوالين إلي ضبطوهم مالت عليكم وعلى ضبطيتكم شان فيكم خير صيدوا الحرامية الي برا إلي أصبحوا يدخلون المحلات في وضح النهار وفي أوقات الذروة يسرقون تحت تهديد السلاح وماحد حولهم
استغفرالله واتبوب اليه هذا غيض من فيض ....سجن حفرالباطن كوارث ومن كلام احد الشباب بالاستراحه فضايح ...هو نفسه هذا الشخص يقول اذا جت الليله اللي فيها تفتيش على العنابر احرص بقوووووه اكون موجود السؤال البديهي نسأله تتوقعون وش الاجابه ......................................................................
........................................................................
.............................................................................
...............................................................................
......................................................................................
........................................,,,,,,,,,,,,,,,,,,,,,,,,,,,,,,,,,,,,,,,,,,,,, يقول صاحبنا ليلة يوم التفتيش على المساجين معناه فيه غنايم والله انا والموجودين انذهلنا والله احسبه يمزح ................يقول ندخل وندور على اي شي بكل شي خصوصا ما قل حجمه وكبر مبلغه يعني اي شي ممكن ينباع جوالات ساعات شرايح نظارات ....و.....و.....و الااااا المخدرات ما ناخذها بس نسلمها هههههههههههههههههه والباقي اخفيه لين نطلع استثمره ولا اهديه فعلا لا حول ولا قوة الا بالله المشله يبرر نفسه يقول هذولا مجرمين وحراميه ومروجين للااااااااااااااااااااسف هذولا نوعيه حراس الامن المؤامنين على المساجين الاااااااااااااا من رحم الله وهم كثير ان شالله اارجووووو النشر ولا ترا بقاطع ههههههههه
كلام السعه والفراغ كويس واللي يتكلم وهو يقشم حب ويشرب شاهي يختلف عن اللي يتابع هؤلاء المجرمون المفسدون في الارض ولو كانو اسوياء لما ادخلو السجن
بعض المساجين يدخل السجن لقضية عادية ويخرج مدمن او بياع
السجان يحتاج سجن لانه هو من يوصل كل البلاوي للمرابحة
أولاً تحية للرائد خالد الرويس فهو رجل قمة في الأخلاق والتعامل ، ولا يمنعني هذا من توضيح الحقيقة فأنا زرت السجن بدعوة رسمية لبعض الفعاليات عندهم ، وإكتشفت أمور لعل الرائد خالد يتنبه لها
مثل قلة أو قل عدم وجود محاضرات ودروس علمية أو كلمات توجيهية
صلاة الجمعة ممنوعة مع وجود جامع كبير مجهز داخل السجن ومع ذلك لايخرجون
عدم الحرص على الصلاة من النزلاء والمشكلة أن الإدارة لاتعطي هذا الموضوع إهتمام أبدًا
وكذلك في رمضان لايهتم بهم من ناحية صلاة التروايح والمفترض أن يوفر لهم أئمة لكل عنبر
مع العلم أن العنابر عددها أربعة فقط
عدم وجود عنبر مثالي يمنع فيه التدخين ويكون فيه حوافز للسجناء تحمس الباقي منهم للإلتحاق به والإقلاع عن التدخين وماشابه
وسايل الترفية وتفعيل المكتبة غير موجود أبدا
سؤال مهم للأمانة
سعادة الرائد خالد لايخفى عليك ماهو الهدف من السجن ، وأنه يسمى إصلاحية هل تعتبر سجن الجبيل إصلاحية ، وهل يحقق الهدف ، أم أن السجين يخرج منه ويعود لنفس القضية وهذا موجود عندكم ، بل إن بعض السجناء يدخل في قضية بسيطة ويخرج وقد تعلم أمور وجرائم عظيمة
أسأل الله العظيم رب العرش العظيم أن يوفقكم ويسدد خطاكم وينفع بكم
وأعلم أنكم على ثغر عظيم فإحتسبوا الأجر وإجتهدوا فب أدى الأمانة التي حملكم الله
أسأل الله لكم الإعانة
رسالة من محب مشفق على مجتمعه