لتنمية الأحياء ومواكبة النهضة التنموية..أمين القصيم يتجول داخل الأحياء الشعبية ببريدة

قاد أمين منطقة القصيم المهندس أحمد بن صالح السلطان الفريق المكون من رؤساء ومدراء الأجهزة والقطاعات الحكومية في جولة على الأحياء الشعبية ببريدة وذلك ضمن الحملة الشاملة المشتركة لتنمية الأحياء الشعبية بمدينة بريدة والتي شارك فيها إمارة منطقة القصيم وأمانة المنطقة والصحة والتعليم والأمن بقطاعاته المختلفة والشئون الاجتماعية وعدداً من القطاعات والجهات الحكومية ، وقف الفريق فيها على احتياجات الأحياء ميدانياً عبر جولة على عدد من المواقع في أحياء الشماس و العزيزية و التغيرة و السادة وأسواق مكة و غيرها .
حملة تنمية الأحياء الشعبية والتي كانت بتوجيه صاحب السمو الملكي الأمير فيصل بن بندر بن عبدالعزيز أمير منطقة القصيم تستهدف رصد شامل لاحتياجات الأحياء الشعبية والتمهيد لتوفيرها ودراسة الظواهر السلبية وعلاجها كي تنسجم وضعية هذه الأحياء مع النهضة التنموية الشاملة التي تعيشها منطقة القصيم ومدينة بريدة .
الجولة شهدت تفاعل كبير من جميع القطاعات ومتابعة مستمرة من سمو أمير منطقة القصيم ، و خلصت نتائجها إلى رصد مجموعة من الاحتياجات لكل قطاع وجهاز مشارك كما برزت عدد من الظواهر التي يحتاج علاجها عمل مشترك داخل هذه الأحياء .
الشماس و العزيزية و التغيرة و السادة وأسواق مكة و غيرها
وين اللابدية الحي الراقي وليش ماجانا
آآآآآآآآآه = موال عراقي قصمنجي حزين
اللابدية تنتظرك طال عمرك لاتسحب علينا
الله يستر بس لا تصير التغيره مثل مانهاتن عقب هالزيارة ..........
اخخخخخخخخخخخخخخخخخخخخخخخ هههههههههههه,,,,,
وش عندهم هالفريق والله مابيدهم الا مفاتيح ..............
بالتوفيق وان شاءالله تكون جولة مثمرة
ونراء تطبيق الدراسة على ارض الواقع لا لا لا لا لا في خانات الداراسات المتعثرة والمهملة
وشكرالله سعي كل من انجز لهذا البلد العزيز على قلوبنا
والله من النفاق
قواك الله ياأميرنا المحبوب انت ونائبك0000
والله المباني العشوائيه خطر جدا على البلد
اجل أمين القصيم
والله وما قالت
تعال شوف حي الساده والجنوب شوارع خايسه ومناظر خايسه وشوارع ضيقه
وشوف شارع العياداة الخارجيه لمستشفى بريده المركزي
شوف كيف شجر البرسوبس شو منظرهم بس اللهم لاشماته
شارع مظلم كأنه غابة اشجار
من هناء برسوبس ومن هناء اثل
وين الامانه عنه من زمان مب من شهر او شهرين اوسنه
ولا صوت ولا خبر
ولا حياة لمن تنادي
بالله عليكم ارجووكم
كل واحد يروح يشوف شارع العياداة شلون مظلم ويشوف كيف منظر شجر البرسوبس الخايس
قبل كم يوم مريت من عند نفس الشارع قلت الله يستر لايطلع لنا قرد او اسد من هاالغابه
مانبي تجول بدون فايده
والا كلها تروح ضرب فلاشات عشان يطلعون باالصحف
والله حنا ماشفناهم ولاسمعنا إنهم جايين إلى الجنوب ولاالناصرية ولاالخضرولاالوجيعان ولاالسالمية ولاالصباخ ولاهوطان ولارواق ولا غيرها
الظاهر إنها فيها شي من المظاهر
هذا رأيي
طيب وراه ما جاء الى حي البساتين يشوف ما نعانيه من ظلم واهمال منه ومن ادارته
شوارع ترابية
مرابي حيوانات ومسالخ
رمي للحيوانات النافقة امام المنازل وفي المخططات من اصحاب المرابي
لكن نقول حسبنا الله ونعم الوكيل
حي السالمية ياسعادة الأمين او خارج القصيم ؟؟؟؟؟؟
كيف مادريت به
كان معلمة عن واحد من الموذين بحارتنا
حاط له حظيرة غنم وبقرلا بل مشروع
ودمال واكداس من السماد
ولا به احد يقول له خف من ربك ياموذي ليش توذي جيرانك و خلق الله بغنمك وفضلاتهن
كيف البلديه سمحت لك وسكتت عنك ياقليل مخافة الله
مشروع غنم في وسط الحي لا ومنين من جهة الشمال
يعني الى هب الهوى من شمال كيف تصير الريحة
ياناس ياعالم يامسلمين طبقوا النظام اللي عندكم مانبي شي غير النظام
والا النظام على ضعيف الجسم
هذة الحظيرة شمال حي المالك بحي الرفيعه /جنوب النقع
حسبنا الله ونعم الوكيل
رسالة الي احمد السلطان
السلام عليكم ورحمة الله وبركاتة وبعد
اتمناء من الله ثم من الاخ احمد تقبل هذة اشكواء
هل يعقل انا المواطن جارة بنقالي او مصري
والبيوت الية للصقوط ارجو ارجو انظر في هذاء بعد اخذ العنوان مع اشكر و التقدير
ادخل من عند عمارة الكنعان يمين اولا لفة يمين بعد مع البقالة اولا تقاطع العمارة علي اليمين عند اطقاطع الاول عاجل عاجل عاجل مع اشكر
يبتسمون !!
نعم يبتسمون !!
للأسف ماعاد فيه حياء !!
ما أدري متى المسئول يكون حاس بالمسئولية ويقدر أنه يعمل في أغنى بلد في العالم !!
لكن لا أقول سوى (( ابتسم أنت تعيش في مملكة الفوضى العربية السعودية !! ))
بريدة تحتاج جرأة وحيادية من القيادات التنفيذية في البلد
لتستفيد من مخصصات الميزانيات السنوية التي تم اقرارها من خلال الدرسات الميدانية والاحتياج الفعلي ، وتطبيقها حتى لا تكون حبراً على ورق.
اشحذا الهمم يامسؤولين وابرؤا ذممكم فأنتم مسؤولون أمام الله ثم الملك عن تقصيركم.
وفق الله الجميع
جهود تشكرون عليها
لكن نريد زيارات مستمرة ومفاجئة
لانريد تحسين الاحياء المراد زيارتها من اجل الترزز امام الاعلام
نريد العمل بجد واخلاص
اين انتم عن شارع القناة
منذ ثلاث سنوات وهو تحت الحصار والسفلته العشوائية
والى الان لم يحرك ساكنا
ديرتي دمتي عزيزتي
الله يعطيك العافيه ويمدك بالصحة والعافية .. لكن لدينا طلب
تعال مر على النقع الشرقي وشف اللي يصير فيها ياسعادة الأمين
حفريات وحفر في كل شارع لها أكثر من ثلااااث سنوات ..
بيوت مهجوره آيله للسقوط .. سيارات محروقه
حظائر أغنام قذره في وسط الحي في كل قطه أرض فاضية ..
مجاري على شكل مطب صناعي من صنع صاحب المنزل لكي لاتمر السيارات من فوق المجرى .. (أعزكم الله )
سعودي
نحن سكان حي الصفراء شمال البرج نحتاج إعادة سفلتة الشوارع و تغيير الإنارة ، بصراحة حي مهملته البلدية رغم قربنا من سمو الأمير وبجوار مركز الملك خالد الحضاري . أرجو من سعادة المهندس / أحمد السلطان زيارة الحي ويشوف المطبات وترقيع الأسفلت و الإنارة القديمة .
الأمين لماذا لا تشمل أمانتك الاهتمام بالشقة فقد حرمتنا من المجمع القروي وها أنت تحرمنا من بلدية وتنقلها للجامعة
حنى الانارة لم يكن لنا نصيب منها
سيحاسبك الله يوم القيامة على عدم العدل فيما أأتمنت عليه
أجل البكيرية تزوره وهي مكتملة الخدمات وتنسى جيرانك أهل الشقة المحرومين من أي خدمة بلدية وكأنهم في بنقلادش وليسوا في دولة آل سعود
ياطويل العمر يالسلطان انت ماشفت طريق النقع العام صاير جنة من جنان الارض على الشجر التي في وسط الطريق والعائدة لعام 1400ه لم تقلم 0 حيث اصبحت ضلن ضليل ومنتزة لاهالي القصيم لا وزيدك من الشعر بيت الشارع صاير تقل مدرجات واحد طامن والاخر مرتفع حيث وصل اهلي النقع عرض من احد الاندية الاروبية لشراء الشارع لوضعة باحد الملاعب كمدرج بميلغ وقدرة 20000000000000000000000000 الا ان اهلي النقع رفضو ذلك امانان منهم بضرورة المحافظة على هذا المعلم الاثري ولذي يعكس اصالت اهل الحي من البدو والجيازنة كما يردد في امانتكم المصونة قال تفقد قال ولكن الامل بالله ومنثم بامير القلوب ونائبة اطال الله اعمارهم0
خطوه ممتاز لكن التنفيذ على ارض الواقع متى .......
اللابديه
اللابديه اللابديه
اللابديه اللابديه اللابديه
اللابديه أين موقعها من الإعراب..؟!!!!!!!!
ياهل النقع والتغيره وباقي الآحياء صدقوني أنتم فيه أمل ينظر بطلاباتكم
وتتطور آحيائكم..
لكن البلاء ثم البلاء في قضية حينا حي اللابديه اللي من سنين طويله وحنا نطالب بالنظر فيه..
ترا محاكيكم جيل من احد الاجيال السابقه اللي انبح صوتها وهي تستغيث
لكن لاحياة لمن تنادي..!!!
عندنا واجهة الحي مشوهه بالبيوت القديمه المهجوره والاثل واللي يشوفها ينحاش
يقول وش ذا الحي المهجور..!!!
ومادابلن تسبدي غير اعمدة الإناره اللي على الشارع يوم وصلوا عند اللابديه وقفوا
وتعدوها لين وصلو طريق الطرفيه ثم كملوها..!!! مادري ليش متقعدين لنا...
تخيلوا حتى الزبايل الله يكرمكم حاربونا فيها ذاك اليوم قعدت الزبايل كم يوم مكدسه
عاد تعرفون اذاالزباله تكدست يوم واحد تنتشر الحشرات ومن غير القطاوه والكلاب
ويوم دقيت عليهم ياجماعه وين البلاديه ليش لها كم يوم ماجات؟ تدرون وش قال؟ قسم مااكذب عليه انه قال انتم ياللابديه موقفين عنكم البلاديه!!!
والله والله لو يدري عن سواتكم الامير فيصل غير ينسفكم نسف على هالسواه وهالتعصب اللي مال أمه داعي..
خافوا الله بالقرش اللي تاخذونه ..ولا بس جيدين بالترزز بالجرايد وقدام الكاميرات
ترا الدنيا فانيه وأنا اخوكم..
آآآآآآآآآآآآآآآآآآآآآآآآه بس وقسم تدبلون التسبد وتفقعون المراره..
اللابديه تستغيث فهل من مجيب؟؟؟؟؟؟؟؟؟
الي عنده اقتراح ياشباب للامين يدخل هالرابط
http://www.qassim.gov.sa/Public/ForBarida.aspx
يمعالي الامين نرجوا منكم التكرم لزيارتنا في حي ابن صبيح لان بصراحه من كثر الحفريات الي صارت في حينا الراقي اندمرت شوارعنا وتكسرت سياراتنا وسياكل عيالنا ونرجوا من سعادتكم في وضع حديقة في حينا ابن صبيح حيث يتم الفرح والبهجه لااطفالنا وشكرا جزيلا ياأمين منطقة القصيم المهندس أحمد بن صالح السلطان