فتح باب القبول في الكلية التقنية للغذاء والبيئة في مدينة بريدة

تعلن الكلية التقنية للغذاء والبيئة في بريده عن فتح باب القبول في أقسام الكلية لخريجي الثانوية العامة القسم العلمي و المعاهد الفنية للفصل التدريبي الثاني للعام 1430/431ه اعتبارا من يوم السبت الموافق 19/11/1430ه حتى يوم الأربعاء الموافق 1/12/1430ه عبر البوابة الإلكترونية في موقع المؤسسة العامة للتدريب التقني والمهني (www.tvtc.gov.sa)علماً بأن استقبال المرشحين سيتم اعتبارا من يوم السبت الموافق 25/12/1430ه أوضح ذلك عميد الكلية الأستاذ / أحمد بن محمد الغنيم الذي أشار إلى أن القبول سيتم في الأقسام التالية :
1- قسم تقنية التصنيع الغذائي – تخصص تصنيع غذائي0
2- قسم تقنية البيئة تخصص سلامة أغذية و تخصص حماية بيئة 0
3- – قسم تقنية الإنتاج الغذائي – تخصص إنتاج دواجن0
وأهاب الغنيم بجميع الراغبين بالالتحاق بتخصصات الكلية المتميزة بتحري الدقة في إدخال بياناتهم واختيار التخصصات حسب ميولهم ورغباتهم 0
نصيحيه على كل طالب ان يسأل اذا كان فيه مسمى وظيفي للقسم في الخدمه المدنيه قبل التسجيل
وبنسبه لقسم التصنيع الغذائي ليس له مسمى وظيفي لاني انا متخرج من القسم وجالس خمس سنوات انا وزملائي الي متخرجين معي بدون وظائف حكوميه
( ) ( ) ( ) ( )
ممكن سوال متى التسجيل للبنات جاوبوني عاطله في القصيم
الحقوني قبل ادشر
احبك يامدرستي
الحين الكلية هذي ماتستحي لها وجهه بعد فاتحه باب قبول
يعطونك مواد ماتدري من وين هي بالاعراب ويكذبون عليك كذب وانت ياغافل لك الله
والله تتخرج ثم اي واحد تروح تقوله مسمى الوظيفه يقولك وش تصنيع غذائي؟؟؟
يضحك عليك ... واخرتها على كل التعب والسنين اللي راحت من عمرك تتوظف على الثانوي واي شهادة خبره معك وشهادتك حقت كلية التنقنية الزراعية سابقاً بروزها بيتك ... ولا الحين تتطورو بعد الكلية التقنية للغذاء والبيئه..
ماقول الا حسبي الله ونعم الوكيل
نشكر لكم هذا الخبر
عندي تعليق بسيط وهو أن شعار المؤسسة العامة للتدريب التقني والمهني قد تغير منذ مدة تقارب السنتين.
شاكرين اهتمامكم
اقول والله ياكليات التقنيه مافيها الا الدجه والله ان اخواني اثنين قسم حاسب الي وعندهم شهادات انجليزي ولهم الحين سنتين مالقوا وظائف نصيحه لا احد يضيع عمره في هذي الكليه ان ما ادري وش الهدف من هذي الكليه
اولا .. السلام عليكم ورحمه الله وبركاته
احب اشكر عاجل على تغطيه الاحداث اولا باول جعلها الله في خدمه الاسلام والمسلمين ..
ثانيا انا خريج قسم ( التصنيع الغذائي ) وسوف اتكلم بما اعرفه والله شاهد على مااقول ..
قسم بالله ان هذا القسم فاشل ومايخرج الا ناس عاطلين .. تخيلو انا قدمت على
شركات ووظائف حكوميه ولم اجد صدى لصوتي .. مع العلم ان الدكاتره والعميد
بنفسه الدكتور علي البراك عشمونابوظائف كثيره ولم نجد اي شي مما ذكرو ..
مره واحده اذكرها في رمضان قالو ان لكم مسمى وظيفي في الخدمه المدنيه رحنا
ا وقدمنا وبعده بشهر راجعناهم وقالو بالحرف الواحد اللي له ملف يروح يدوره تراه موجود بالغرفه عندنا ...
نصيحه وربي من قلبي القسم هذا لايدخله احد من اللي يعزون عليكم وربي انه ضياااااااع ومستقبله فاشل ..
انا جالس لي اربع سنوات وماحصلت شي واللي قبلي جالسين لحد الحين اللي حارس امن واللي بالارياف يشتغل على الف وخمس ميه او اقل ...
والله حرام انا معدلي 4.6 من 5 واعرف واحد من دفعتي معدله 4.30 وقسم بالله ماشفنا خير منها حسبي الله عليهم والله لايحللهم لا دنيا ولا اخره ..
اخوكم \\ فيصل بن عبدالله السالم
انشري ياعاجل
نصيحه اخويه لاخواني الطلاب
لا تسجلون به
كلية البطاله و العطاله
متخرج منه قبل 3 سنين ويوم رحت لديوان قالو مافيه مسمى وضيفي لك
هذا ويقال تخصصي احسن تخصص بالكلية \"سلامة الغذاء\"
نصيحه لا تضيعون وقتكم به
الكلية التقنيه ارحم شوي, بس شوي ولا هي من قومه
موفقين
والله ياالكليه هاذي فاضيه طرح قبول اما تصنيف للوظيفه مافيه
اقول حسبي الله على من كان السبب
نصيحتي اللي يبيله مستقبل لايسجل بهالكليه الله لا يوفقهم ضيعونا
عاجل اين الحريه ؟؟؟؟ بديت افقد مصداقيتك ليش ماتطلعين ردودنا لا تسلكين مسلك المطبلين
عهدناك منبر الحريه لنا فكوني عند حسن الظن
بالنسبه لاعلان الكليه المتهالكه لا جديد تلميع اعلامي يصحبه تطبيل للمؤسسه الفاشله بكل المقاييس العالميه استغرب ليش للأن مجلس الشورئ ماتكلم عن التعليم الفني حيث يرصد له سنويا مليارات لتخريج كوادر وطنيه عاطله بكميات هائله اين هم عن التخبطان اللتي يقوم به الغفيص الله لا يجزاه خير
اما عن الكليه انا وبلا فخر خريج من هذه الكليه الفاشله كاول دفعه بقسم التصنيع الغذائي من عام 1424ه دون وظيفه او حتى مسمى وبطريقة النظام القديم ثلاث سنوات ونصف ونصف امتياز ومن ذالك التاريخ والكليه بتخبط كل سنه عميد جديد وكل سنه قسم وكل سنه خطه وكل سنه ترميم للمبنى والله شي يحز بالنفس والخاطر لكن مانقول الله اللهم اكفناهم بما شئت ناس ماتخاف الله
اطالب باغلاق المؤسسه العامه وتحويل كلياتها الى جامعات تحت لواء التعليم العالي ارحم من الناس اللي ماغير تدرس مواد ماتدري من وين جايبين المواد او المسميات اللي بالكليات
كما اطلب من صحيفة عاجل بما انه منبرنا الحر ان تفتح جميع انواع التحقيق عن الكليه التقنيه الزراعيه سابقا كلية الغذا حاليا ( ) وملفات المؤسسه العامه
فنحن تقطعت بنا السبل ومللنا من العطاله لي اكثر من ست سنوات لا وظيفه ومن شركة لشركه براتب 1500 ريال (؟) لو اشتغل بشهادة الثنوي ارفع راتب
لايسعني اللى اقول ونصيحه من شخص تخرج من الكليه هذي لا احد يدخل للكليه اصلن الاقبال الحين على الكليه ضعيف جدا ويحاولون يلمعون له بعد مااكتشف اكثر الخريجين انه لا بواكي لهم
اللهم يارب العالمين يامجيب السائل اذا دعاك ان ترأف بحالنا نحن خريجين التصنيع الغذائي فقد بلغ بنا العمر مابلغ
والصلاة والسلام على اشرف الانبياء والمرسلين
الكود ياعاجل اشغلنا فكونا منه
حذاري من التسجيل بالكليه ...!!!!!!!!!!!!!!!!!!!!!
فأنها مضيعه للوقت والجهد ..!!
والله اني متخرج منذو اكثر من 4 سنوات وبمعدل قريب من الخمسة بالخمسة وبتقدير ممتاز ...
ودارس افضل قسم ... وهو قسم سلامة أغذية وربي الكعبة الى الوقت وانا صايع ضايع ..
لا شغل ولا مشغلة .. لا ديوان يقبل شهاداتك أو يعتمدها ..
ولا شركات ترغب بك ..
أي تخصصات متميزة وأنا أخوك أصلا المحافظ وده يسكرها بس بالش بالمدربين اللي أكثر من المتدربين وين يحطهم