قصيدة “شي من العبر ” للشاعر ” مطرب بن دحيم “

يامن جعلت الارض ل ادم والبنادم مستقر
مطغي جلابيب الليالي بالنجوم الرايده
••
يامصطفينا بالنبوه والفصاحه والخبر
العاربه فالعرب والمستعربه والبايده
••
ذاب الحديد وصدعّت كتبك جلاميد الصخر
من خشيتك تخضع لك ارباب العروش السايده
••
عفوك ليا شان الدهر والا ليا زان الدهر
يامنزلن سورة تبارك والفلق والمايده
••
الناس مايبغا لهم غيبه ومهدي منتظر
يبغالهم قلبً تحارب به وكبدً جايده
••
ياراعي العقل الرزين وراعي القلب الخضر
على النقا مايرتخي حبل الامور الكايده
••
اللي ماحول في جنان الخلد حول في صقر
واللي ناصاد من المراجل شي كلن صايده
••
لاصرت مومن ب الاله وبٌ النبوه والقدر
ومعلقن قلبك بربك والسلوم النايده
••
مالك ومال اهل الخطا واهل التقصي والقشر
اليا بلاك الله بعيه لاتقوم تزايده
••
دام البشر فيهم بشر مايستحون من البشر
اللي يجيب العيد قدام المعايد عايده !
••
صمتك على زلات ربعك فيه شي من العبر
لكن ترا ماهيب دايم والقلوب محااايده
••
اول شهر ثاني شهر ثالث شهر رابع شهر
خامس شهر سادس شهر سابع شهر والفايده ؟
••
الربع مثل الجسم لامنه تداعا للسهر !
احداً يجيبه قلب واحداً فيه مثل الزايده
.
.
مطرب بن دحيم