قصيدة للشاعر عبدالحكيم بن شفلوت

‏‏الفكر وردناه صافي المشاريب
‏مثل ما ياردنا الزمن و انتحدّا
‏****
لو همنا عدّى الضلوع المحاديب
‏نشرب فناجيله ما قد قال : عدّا
‏****
ما كثر الله عندنا الا التراحيب
‏و هذاك جاب مفطح و ذاك ودّا
‏****
‏و فوح الدلال اليا اختلط ب ازرق الطيب
هذا تعشاء عندنا و ذا تغدّا
‏****
اشوف نفسي ذيب و اطيب الذيب
و احس ب احساس المليك المفدّا
‏****
على طريق ابوي سقت المناديب
اللي ما سده غير والنعم جدّا
‏****
حتى لو انه دب في راسي الشيب
ب ابقى على درب الكريم اتقدّا
‏****
اللي على حطة كفوف المواجيب
‏ما ينقصر ف اللازم اللي يبدّا
‏‏****
مجنب اللي لحقه الشك و الريب
و انا بعد مثله ما ني ب اتعدّا
‏****
لازلت احب الطيب .. و اقدم الطيب
‏و الا الرداء والله ما اعرف اتردّا
‏****
عبدالحكيم بن شفلوت