قصيدة للشاعر سيف عبدالله الرحيمي

ياكاتب التاريخ سجل للاحفاد=صفحه من النوماس جاتك جديده
حبر القلم من دم والريشه زناد=مجد يدوَّن والفعايل فريده
البارحه في تالي الليل مهجاد=راجو صقور الجو فوق الحديده
صقور الجزيره مخاليبها حداد=من ناشته بالكف لازم تبيده
متوارثين الفعل من روس الاجداد=وصاية من عود وصى حفيده
ويوم الاوامر جات غارات واسناد=دون الوطن يانفس روحي شهيده
يوم يسجل من تواريخ الاعياد=وصلك فرجها يايمنا السعيده
من راس من هو للمعادين جلاد=سلمان ل حكت حديده حديده
ضرغام ل صارت مزاعيم وعناد =فعله يركع كل روس عنيده
يضرب بشجعان على الموت وراد=بقيادة محمد يانعم الوليده
يوم ان فعل الطيب بالنذل مافاد=وحنا حماته من سنين عديده
من خيرنا ينعم بالعلم والزاد=وعقب الفقر ماعاد يحصي رصيده
علي بن صالح بالعرف لا عاد=والحوثي اللي حط ايديه بيده
والفرس تدعمهم ونجوس بغداد=الحقد يجمعهم وخبث العقيده
حنا لهم في كل حزة بمرصاد=ماعاد به ياكود نار وقيده
عليهم الغارات سرداد مرداد=لين ان مايبقى لشيعي شريده
بالارض زلزال وبالجو رعاد=حتى اليمن من حلفهم نستعيده
ونجيبه مكبل اكتاف بالاصفاد=من جحره مثل الارنب نصيده
يعرض على الشاشه مكبل وينقاد=وبثي قناتك واطبعي ياجريده
الشاعر / سيف عبدالله الرحيمي