طالبينك استقيل !

اعلان عبد اللطيف الخضير رئيس نادي الرائد تقديم استقالته من منصب رئيس النادي بعد خسارة فريقه أمام نجران .. درس يدرس لبعض روؤساء الأندية المحلية والخليجية والعربية محتواه بين المقدمة والفهرس بان الكرسي تكليف ماهو تشريف مثل مانشوف عند البعض من روؤساء انديتنا .. اللي من يوم مايقعد على كرسيه اول حاجه يفكر فيها قبل التطوير اشلون يتمسك فيه لآخر يوم بعمره .. ويوم بعد يوم الفشل يطارده وهو يصر اكثر على التمسك بايدينه وأسنانه .. يبه الناس ماتبيك وكرهوك وهو أبدا ولا جنه يسمع ولسان حاله يقول للكرسي والمنصب "انت حبيبي ومنايا اللي دوبني وانت يالكرسي اللي بعدو عن هوايا بيتعبني أخاصمك آه اسيبك آه وجوه الروح انت يالكرسي حتفضل حبيبي اللي أنا بهواه بحبك آه ملكني هواك ولا اقدر حبيبي فى يوم أنساك " .. وتستمر معاناة الجماهير ويكثر الغلط بين الطرفين والحبيب إذن من عجين والاخري من طين وهو في باله مايترك كرسيه اللي حصله بعد وعود وحب خشوم انه هو الرجل المناسب بالمكان المناسب .. وتستمر معاناة الجماهير حتي ينتهي المجلس دورته ويغور بستين داهية غير مأسوف عليه .. وفى الختام أشد على أيد عبداللطيف الخضير واشكره من كل قلبي على درسه المجاني للي عنده عقل وفهم ومحبة لنادية وسلامتكم .
محمد خلف الشمري