ليش الأغنياء يتعالجوا (برّا)؟

فيه حاجة تحير العقل ولا تخش المخ، وهي إن فيه أغنياء يملكون مستشفيات كبيرة يروحوا برا السعودية إذا مرضوا أو يفحصوا الفحص السنوي، حنا المواطنين اللي ما نقدر نعرف مستوى الطب عندنا نقيس الوضع الطبي من سوالف الأغنياء اللي لا يمكن يتعالج في السعودية إلا ما ندر، نقول بعض الأغنياء ما نقول كلهم لا تبلشونا ويطلع غاوي مشكلات يعمل من الحبة قبة، الطب عندنا ضعفه الكبير في التشخيص؛ لأن تشخيص المرض أهم من العلاج، وبالذات تشخيص حالات السرطان عندنا، يا ما سمعنا عن حالات تشخيص خاطئة دفع ثمنها المريض من عمره وصحته، كثير حالات يتم تشخيصها على إنها سرطان دم وبعدين لا راح المريض للخارج يلاقونها مشكلة بسيطة في تكسر كريات الدم الحمراء، حالات تم تشخيصها على إنها سرطان ثدي عند الحرمة لا راحت برا تفحص لقوا إن المشكلة كيس دهني، لازم وزارة الصحة تعمل فرع مستقل لها يدرب ويبين للأطباء الأخطاء اللي صارت في تشخيص السرطان أو غيره، تخيل شخص يقولوا له عندك مرض الضغط وهو مرض جدتي تعرف تشخصه، وبعد ما يفحص برا عن طريق الصدفة يكتشف إنه لا عنده ضغط ولا هم يحزنون، وكل الحكاية مشكلة في المثانة خلت الضغط يرتفع، ومستشفياتنا في الداخل صارفة علاج ضغط للمسكين ياكله سنة كاملة، الحين عرفتوا ليه معذورين بعض الناس لا تعالجوا في الخارج؟!