سوق الغنم.. بين صياح المحرّج وصمت المُشتري

رحت مره بعد ماخلصت من دوامي (اصلا اروح كل مره بس هالمره) غير لسوق الاغنام في، منفوحه وقلت ياولد نبي لنا شي يدسم الثلاجه اللي لها ثلاثة ايام فاضيه مافيها الا ربع دجاجه في اخر، الفريزر خشيت سوق الغنم الا واﷲ يوم تجمع علي عشرة بائعي اغنام.. عندي ياولد الا عندي يقوله. الثاني.
قال: الثالث خلوه خلوه هذا خروفه عندي واسمع صوت ستمايه، وخمسين من، يزود من يبي يتجمل.. الحق ياولد..
والثاني: يقول.. لايهمووونك.. خروفك عندي، لايهمونك ست ست، ست ياولد الحق السدس يللي تبي ذبيحه للثلاجه واللي يبي للضيوف الكريمين (بصراحه اعلاناتهم احسن من موبايلي...) والاتصالات. وبين صيحة هذا وطلبة الاخر اذا بي اذهﺐ لاشعوريا مع احدهم (يا إخوان احسهم يسحرون اخواني بائعي) الاغنام.
دخلت معه الشبك (حظيرة) الاغنام الا واﷲ يوم جاب لي هاك الخروف اللي مابه احسن من لونه وسكبته، وسمين كم عليه ياولد؟ : قال سبع، وخمسين: قلت انا ولد ابوي ولد وش سبعه وخمسين تبيه بست ميه (يقال اعرف اكاسر في) الاسعار: قال ياولد ماتفرق معك ميه وخمسين انت تشتغل في ارامكو. طلع البائع يعرف يقرا وقرا اسمي ولبسي كان زيّ ارامكو فعلا بس ياخي حتى احنا في ارامكو نطفر مثلكم كل شهر ترا.... قلت تبي بست والا، لا: قال تستاهله وين سيارتك؟ . صح. اني ابتلشت يوم قال تستاهله لكن: قلت ياولد دامه سمين وزوين ناخذه ليش لا ونروح للسياره ويحطه واروح به للمصلخ؟ .. جيت المصلخ ويوم صلخه الا لحمه اسود يالربع . طلع. مستورد وتوه جاي مدري من وين..
ومن المعروف ان المستورد يكون لحمه غير مؤهل لنا كبدو للاكل. اكلتها. علقه لكن تعلمت درس..