صجة الدوري!

البارح بدت صجة الدوري، وبدأ المهايط حق اخويانا الكورجية، وكل صحف الكورة والبرامج لاسوت حوار مع لاعب يقول انهم جاهزين ومستعدين للمنافسة، وبعد كم يوم من الدوري مانشوف غير ناديين أو ثلاثة والباقي خذ وخل، وهذي مشكلة ربعنا، كنهم يضحكون على أنفسهم، المنافسة على الدوري، ما تبي مهايط ولا معسكرات شكلية، تبي لاعبين محترفين على مستوى، ومدرب ينترك يشتغل براحته ويتحاسب على أخطائه، الشي اللي يخليك تفكر إن أكثر معسكرات أنديتنا من جنب القدة إن كل مدرب سحب النادي وخلاه يعسكر بالدولة حقته، وجاب محترفين منهم، واخويانا ما غير يدربون روسهم وراهم، من الحين اقول لكم ترى المنافسين على الدوري معروفين ولا راحوا يتعدون اربع أندية انتم كلكم تعرفونهم، وهم أكثر أندية انصرف عليهم، ليش الهياط، تصرف على ناديك بمدرب ولاعبين كويسين تنافس على الدوري، غير كذا لا تصجونا بكثر الهياط، وسوالف جاهزين وما جاهزين، هذا هياط في هياط ولا راح يجيب بطولة، شف منهو أكثر نادي انصرف عليه واعرف إنه هو اللي راح ينافس على بطولة الدوري صدق، وخففوا من الصجة شوي تراها ما تنفع، إن دخلت مواقع الأندية والا صجة وهواش وان قريت الجرايد والا اكثر، وين ما تروح صجة والنتيجة الهادية مبينة من اولها، على قد لحافك مد رجليك ولا تزعجنا، هذا زمن احتراف، الفلوس هي اللي تجيب الدوري، غيره لا!