شيخ الرياضة فقدناه

قالوا ترا شيخ الرياضه فقدناه
الله عطاه الروح واليوم أخذها
الموت هذا اللي مقدر وشفناه
مابه جسد معصوم لابد منها
ليته بقا والروح ترخص فديناه
مير المنيه حزت وذا وعدها
مر العنا من تالي الموت ذقناه
شف دمعة الاحزان تذرف شهدها
يطوي ثراك العز يا عز شفناه
جعلك تنعم تنتنشي من رغدها
رمل الثرا لا يتعبه لو دفناه
يكفيه من دنيا عنته بتعبها
حتى هزيم الرعد يوم(ن) سمعناه
يبكي على موت المطر في وسدها
جزل الفعول و خير رجل(ن) عرفناه
مرحوم يا قرم(ن) يحلحل عقدها
منك العذر يابوي شي(ن) نسيناه
إنك هلال المجد تسطع قمرها
زرع التعب يابوي شفنا حصدناه
عاشر عيالك للقمم هو ولدها
طال السحابه لين مجدك حفظناه
يا انقا من الريح النسيمه نهدها
فعلك تليد وبالنواجذ خذيناه
واقوالك التاريخ حكمه سردها
من قاحلات الدور للي وصلناه
من أول الماضي إلى آخر عهدها
بين الحطام يقوم فخر(ن) نهضناه
صورة سليل المجد في ذا ركزها
ذا ابو مساعد عزنا اللي فقدناه
الله عطاه الروح واليوم أخذها