أميرنا المحبوب

يا أميرنا المحبوب لا هان راسك
سلامتك فرحة لدارك وناسك
تسامحك يا أمير ما هو تهاون
تسامحك والله من قو باسك
رفيع شان وقدر عزة وهيبه
خاين بلاده ما يساوى مداسك
لو كان يوجد ثوب باسم الرجولة
يا سيدي ثوب الرجولة مقاسك
مثل الجبل في وقفتك في شموخك
يهون راس الغدر ما هان راسك
اللي حصل زادك صمود وحماسة
وحماسنا يا أمير زاده حماسك
نجاك من نجا خليله من النار
اللي فرض للمسلمين المناسك
قلتة وواجبنا تجاه القيادة
أنا انتكاتف كلنا وانتماسك
حنا رجال الأمن رهن الإشارة
غرست فينا الطيب من طيب ساسك
ويا صانع الإرهاب شلت يمينك
والله لتشرب مر من نفس كاسك
والله لا يمكن تزعزع ثقتنا
ولا تفرقنا بكثرة حساسك
لا بد يالخوان تاقع بشرك
لا بد من يومن يجيك انتكاسك
نيتك مكشوفة ونعرف هدفها
لو كان بسم الدين تلبس لباسك
عليك من رب المخاليق لعنة
عكست منهج ربنا من عكاسك
واختامها ياسيدي يا محمد
يموت راس الشر ويعيش راسك
مرزوق بن غازي السلمي