لآلئ شعرية

نوب وطاح برد المكاتيب
وياكثر ماهب الجنوب وذكرته
يملا حضوره من حضوري وانا أغيب
وياما غيابي في غيابه حضرته
إن جا مطر صارت له ضلوعي شعيب
وإن راح ريحٍ طير اللى بذرته
طال السكوت ومالصمتي مطاليب
غير الكلام اللي وقف وانتظرته
جنبت لو مالي عن الدمع تجنيب
من وين ماهج بجروحي شعرته
واصمتي اللى صار فعيونهم عيب
واجرحي اللى لو فضحني سترته
لي صاحب يملا كفوفه تراحيب
لولا الحيا من ضحكته ما اعتبرته
ياصاحبي ماهي عليّا مقاضيب
عذروبي انك ذخري اللى ذخرته
عذروبك أنك شوهتك الاكاذيب
عذروبك انك جاك طيب ونكرته
إن جيتني بفراق زود العذرايب
لاجيك انا من زود صبر صبرته
للطير جنحان وريش ومخاليب
لكن يضيع صيدته في غبرته
من جزم نفسي يوم..صار الردى طيب
حلمي قبل لايكسرونه كسرته
ومن راح مني قلت ياعله مصيب
دورت له عذر كريم وعذرته
للي يبي بعدي انا ماني قريب
هوماربحني والا انا ماخسرته
قلبي خويي ما لقلبي معازيب
اللى حقرني من رداه احتقرته
رغم الجروح اللى بقلبي معاطيب
حبيت كفين الزمان وشكرته