حرٍ ولد حرٍ ومن راس صعصاع صميدعٍ من روس قومٍ دواهي أبوه سلمان العرب طايل الباع اللي بحزمه حدد الاتجاهي راسٍ تطامن دونه الروس وتباع لاثار (عج) وكلّحن الشفاهي قاد العرب واستبدل اوضاع باوضاع واصبح بفعله كل حرٍ يباهي محمد السلمان سبعٍ من اسباع سبعٍ طلوعه يلفت الانتباهي لدّت له الانظار.. واحتل الاسماع ونجمه لمع بين النجوم الزواهي شفناه مثل سهيل والجدي لماع نوره يشوق وفي الوضوح امتناهي ماغاب في الحد الجنوبي ولاتاع قال أبشروا بي دون وجهي وجاهي ساق الجيوش وفي اليمن زلزل القاع وميقاف مثله مايجيه اشتباهي ليا غضب راحوا معادينه امزاع مايضرب ألاّ في مثاني الجباهي من ضربه الحوثي بصم له بالاصباع أرخى يديه وصار وضعه فكاهي النائب الثاني ترشح بالاجماع ونبايعه ماهمنا كل فاهي سيفٍ نسله في نحر كل طماع وليا بغينا به نضاهي.. نضاهي يشبه لأبوه وفيه من جده انزاع صقر الجزيرة.. في الذكاء والنباهي يسهر على وضع الرعية وهو راع وعن حاجة المحتاج ماهوب لاهي إليا عرف محتاج له يسرع اسراع ويلبّسه ثوب الترف والرفاهي وفي درب فعل الخير له باع وذراع وعند الكرم والجود.. له مدّ.. راهي مثل المحيط اللي به السفن شرّاع اقصاه ماينشاف والعمق ناهي المدح في مثله.. مسرات وامتاع ينساق طوع ولا يعَرف النواهي والشاعر اللي ما يخصه بالابداع ماله عذر.. وان كان له عذر.. واهي
