مملكتنا الغالية

بأمن ورخا عشنا وسرنا امامي
في مملكتنا الغالية نبع الأسلام
صقر الجزيرة زال عنا الظلامي
وبالسيف رجع ملك جده والأعمام
بحكم ربي عاد حكمه ودامي
وحكم بلاد المملكة والله ضرغام
ورسى قواعدها بصدق وقيامي
وخذا من القرآن دستور الأحكام
ونهج طريق الحق صقر الحيامي
وخلف رجال نهجهم صدق واكرام
سعود ثم فيصل مشو بأنتظامي
ثم خالد وبعده فهد صقر مقدام
وعبدالله المعروف رجل السلامي
النهج واضح والعدل يلزم الزام
الين عصر الحر صقر القطامي
صقر الحزم والعزم للأمن صمام
سلمان سيف العز شرقاً وشامي
وحلم المجوس بضربته اصبح اوهام
درع العرب سيف يقص العظامي
كم حطم ارقام وكم حقق احلام
يهجد العاصي بضرب الحسامي
واخصامه يصيرون قدّامه اقزام
وصار السعودي فوق فرخ السنامي
وصار المواطن درع للدار واحزام
وعاشت فخر وأمجاد دار الكرامي
على خُطى الوالد لها السير قدام
والمملكة نالت شرفها وسامي
ونعتز با الذكرى ورفراف الأعلام
ونعتز باالذكرى وذكر الأمامي
ونعتز بالأمجاد عام ورا عام