الأسد سلمان

يامرحبا ترحيبةٍ ماهيب محصورة عدد
باسم أمير المنطقة واعيانها وافرادها
في المحفل اللي تركز اعلامه على عز وسعد
وفعلٍ يجسد لحمة رجالٍ تحب بلادها
قصيدنا تنقش عباراته وفانا للابد
وسط القلوب لمملكتنا الحره وقيادها
ويورثه منا الابو كنز ثمين للولد
وتربي الابناء عليه عيالها واحفادها
اللي يهوم ابلادنا تبشر عيونه بالرمد
بيدي رجالٍ شربها عز وكرامه زادها
حنا منزحة العدو حنا المدد حنا السند
حنا السيوف بماضي سنين الدهر وجدادها
اليا دعانا القايد الحازم بفزعتنا ورد
على العدو اللي على غيره صعب ميرادها
ياللي تقولون الاسد نقول سلمان الاسد
اسد فرض شخصيته على الاسود وسادها
انا اشهد انك حازمٍ عادل تقي يابو فهد
ياخادم بيوت الله بعزمه ومن يرتادها
مادمت قائدنا وابو نايف ولي للعهد
ومحمد اللي دارنا عنها لطم حسادها
حنا بخير ولا حسبنا في الزمان حساب احد
نفتك الارض وفي مواسمها نقيم اعيادها
هذا اجتماع الخير موتي غيض ياقلوب الحسد
امن ورخا واخصومنا ماتهتني برقادها
اسراب سلمان الحزم فوق العدو مثل الرعد
وبالارض برية رجالٍ تعتزي بجدادها
من ماضي الايام حنا اهل الشجاعه والجلد
نقضى على الفتنه بفضل الله وهي في مهادها
وان كبرت الفتنه وصارت حبل شر ممسد
الروس نقطعا ولاماتت تموت اجسادها
وحنا تضامنا مع الدوله بالانفس والجهد
مواقف ابطال الوطن مد لقديم امجادها
الحظ بامر الله ليا منا تعزوينا صعد
يرقا سما والارض مايقنع بروس اوتادها