قصّة محبّتنا

مشاركة أولى ونتطلع للأجمل من علي الخزيمي
الدمعة اللي بالعيون فضحتني
يوم العواذل للأسف المحوها
والغصّة اللي داخلي واخنقتني
من نفسي اللي بيدهم عذّبوها
حسّيتها يوم انّها ودّعتني
أحلامِ اللي من يديني خذوها
ناس ٍ وانا من دون ذنب ظلمتني
لانّ الحقيقة كلّها جنّبوها
والصدفة اللي بالحبيبة جْمعتني
أحيَت عيون وْصوفها ما نسوها
لحظة عن العالم معاها خذتني
لاحلامي اللي عننا امنعوها
كل السنين الماضية ما نستني
قالت واحاسيس الغلا خالطوها
قلت السنين الماضية علّمتني
إنّ المحبّة بيننا ما محوها
بعد النهاية بالأنامل طوتني
إيْدين منهو بالأسى شمّعوها
ناس ابْعدوها للأسف وابعدتني
قصّة محبّتنا حزن اخْتموها
الله يوفّقها وانا غافلتني
الدمعة اللي بالعيون لْمحوها