مكمن الأحزان

==1==
عتابه .. أيه سمّعني عتابه==0==
==0==على موّال والحان الربابه
أبي أسمعءك وأتأمّل عيونك==0==
==0==أبيها تشيل من قلبي صوابه
أنا وأنتي ضحية حب وافي==0==
==0==خساره وانصدم بأول شبابه
ما دام أنتي وأنا والموت واحد==0==
==0==نموت ولا تفرّقنا قرابه
قرايب والقرايب آه منهم==0==
==0==سبب دمعات عينك والكآبه
أعوّد تايه الافكار وأسأل==0==
==0==ورى العذال تسعى في خرابه
حبيبي كلهم ضدي وضدك==0==
==0==علينا كلٍ موجه حرابه
صحيح إنهم خذوك اليوم عني==0==
==0==حواسد كلهم صاروا عصابه
وأنا بعدك أهيم بغير يمّه==0==
==0==جريح فؤاد .. والدمعه زهابه
نعيش بحلمنا لو ما اجتمعنا==0==
==0==ونموت وما درت عنا المهابه
ألا يا ساجي العينين تسمح==0==
==0==إذا ممكن تردد لي عتابه
وأنا في خاطري هم وبكيته==0==
==0==دخيلك لا ترجع لي عذابه
ترى ما جيت لك ساري وقصدي==0==
==0==أرد لفاتن هروجك جوابه
ولكن جيتكم عاشق متيم==0==
==0==عذابي منك ألفين وهلابه
تقول الناس وش فيك متغير ==0==
==0==خذاك الحب في ضيحة سرابه
نشوف العشق من جسمك تمكّن==0==
==0==كذا سوّاك هالشوق وجنابه
بكيت وهلت دموعي همايل==0==
==0==مثل دِيم المطر وسط السحابه
أنا في مكمن الأحزان ساكن==0==
==0==وحيد وعايشٍ في وسط غابه
أناظر لليسار ولليميني==0==
==0==مغير وحوش وأشواك وذيابه
حبيبي ما بقى شيٍ نقوله==0==
==0==ترى باب الهوى صكيت بابه
وأنا بكتب وصيه من دموعي==0==
==0==غريبٍ مات ما حصل إجابه==2==