تارة وتارة

جديد الشاعر حمد بن فطيس .. قصيدة تنبض بالحياة وتفتح لمن يقرأها نوافذ لا حصر لها لكل ما هو جميل ..==1==
يامن لفت باقصى الضماير مطاياه ==0==
==0==حلّ وعمر باقصى الضماير دياره
اقبلت له يوم الوفا من سجاياه ==0==
==0==وازحءت له عن كل خافي ستاره
عطيت واستقبلت من مد يمناه ==0==
==0==يوم الحصاد اللي تزاهت ثماره
ارخصت له كل الغوالي لعيناه ==0==
==0==صنت المحبه صون بنت المحاره
يازين ذاك اللي مضى ما نسيناه ==0==
==0==وقت الغلا يا زِين ذيك الجساره
اخفض جناحي له محبه وجرّاه ==0==
==0==الى زعل ماهو يطول انتظاره
الين شك اني مليك وتولاه ==0==
==0==بامره وحدّه من يمينه يساره
جاني على غير العوايد من اقصاه ==0==
==0==مثل الغشيم اللي يطوف الاشاره
لا والله الا غيّرته المباهاه ==0==
==0==عند الصديق وعند نفسه وجاره
صديقه اللي غِيرته من سواياه ==0==
==0==يبغي دمار اللي بناه ودماره
ما كنت اعَرف انها قبل من مزاياه ==0==
==0==ليته تريّث واستخار استخاره
لو هو درا انه خادعه واكبر اعداه ==0==
==0==ما اوحى له ان الصدّ فن وشطاره
ما قال باعد وانكر الحب واجفاه ==0==
==0==تاره وبيّن جانب الحب تاره
زد في دلالك واذكر الحب وانساه ==0==
==0==خلك تفنن فالغرام بمهاره
خلك وسط ما بين عجفاه وقداه ==0==
==0==واتبع له اذواق الحلاوه مراره
من عقب ماهو لي صخيّ بعطاياه ==0==
==0==هدّم صروح الحب باخر زياره
لا واخسارة حبنا اللي بنيناه ==0==
==0==واكثر مشاريع المحبه خساره
اللي حصل مقبول لو ما اتمناه ==0==
==0==ما دام هذي رغبته واختياره
لو كان له قيمه ولو كان له جاه ==0==
==0==يسري بليله لين يطلع نهاره
يدري على قفايته ما تبعناه ==0==
==0==وادري مصير الحق يجلا غباره
اقفا وانا قفيت والله يرعاه ==0==
==0==والقلب يخلط عزته وانكساره
ابعدت مثل الحرف لا فارق شفاه ==0==
==0==ثم ضاع باحضان الفضا فالعباره
ماهوب فرض اني على طول وياه ==0==
==0==الكل منّا عز راسه شعاره
لو كان من راسه الى حد ماطاه==0==
==0==زينه يزيّن خطوته في مساره
ماني بمتجاوز خطاياه لرضاه ==0==
==0==لو كان هو عندي وقاره.. وقاره
اخير من همي على قل لاماه ==0==
==0==ممساي في راحه براس الزباره==2==