تخاريف ابو العريف

أبو التخاريف.. خليجي (16) ولع.. استقالات.. وتقلبات والطاسة ضايعة..!!
أبو التعاريف في جو ثان في الكويت، ما تهمه استقالات ولا تقلبات، المهم عندي اللي معورين رأسي.
ومنهمو اللي معورين رأسك؟
هم اللي جابوا العيد في اللي تخافون منه (ابو العريف) ويعجبني واحد منهم اللي وصف (ابو العريف) وهو (يشيش) مثل جرة (الفوال) حبيبي والله هالرجل طيب قلب وصافي، لكن حش أبو العريف.
والثاني منهو؟
الله وكيلك يتمشى من الصباح حتى المساء واللي ضايع بينهم (خوينا) مسكين مشتغلين عليه شغل صح مشي على وذنه..!!
طيب حش واحد منهم وخذ بثارك؟
يالحبيب تبي يولع علينا تراه طيب بس في الحش فنان..!!
تراك يابو العريف ضعيف وايد؟
حتى لو حشيت، القلم الأحمر مال (المعلق) يشطبها، ما يرضى عليهم..!!
طيب حش الثاني؟
ما أقدر تراها ينزل المكافأة في الأرض، والدراهم مهمة في هالزمن الرديء..!!
يعني يا بو العريف، ما تمشي إلا بالدراهم، هذي حياتك يابو التعاريف..!!
بسك عاد من المثاليات، ترى ما ذبحنا في هالزمن إلا المثاليات الزائفة، وانت لو تحصل درهم واحد سويت الهوايل..!!
وانت يابو التعاريف تقضي وقتك مع من؟
مع تروسيه السعودية.
ومين هذا تروسيه السعودية؟
هذا حبيب قلبي الصقور عفوا عوض الصقور اللي أبرد من الثلج، الله وكيلك أخذني من الملعب الى الفندق وبالسيارة هالمسافة ما تتعدى ربع ساعة، لكن عوض الصقور خلالها بسيارته ثلاث ساعات، لا وبعد جايب عفش بيته في السيارة.
واتحملته؟
بصراحة يسمونه قمر السعودية، ودمه خفيف، ومن زود محبة الآخرين له، شكل منتخب في الكويت في احدى مطاعم الكويت.
ومين أطلق عليه لقب تروسيه السعودية؟
الله يسامحه المعلق أبو الالقاب اللي يقول انه أفضل لقب أطلقه على شخص رياضي.