تخاريف أبو العريف

@ ابو التخاريف الاخضر هالايام في الشرقية؟
* والساحل الشرقي دوم فال خير على لاعبي الاخضر.. عد واغلط كم مرة كان معسكر الشرقية يتبعه انتصار للاخضر.
@ يقولون المريديان مولع بنور ورفاقه؟
* شوف في لاعبين اثنين ما يقربون لا القنوات ولا الصحافة نور والعويران نفسي اعرف السر!!
@ السر عندي وانا بوهندي؟
* تكفى يا معود قول لي هالسر!!
@ ما اقدر اقوله الا بعد خليجي (16).
* عدال يابو العريف (تايوند) تراك مصدق روحك!!
@ طيب والواكد يابو التخاريف؟
* هادئ وطيب ومثقف.. ياريت العويران ونور مثله!!
@ ترى كلهم طيبين؟
* طيبين وبنحبهم بس يحافظوا على اللقب.
@ ترى نجومنا الجدد محتاجون فقط للصبر والثقة؟
* في هذي صدقت بس اعلامنا وجمهورنا ما عندهم صبر يبون ماجد عبدالله وصالح النعيمة وصالح خليفة يطلعون بين يوم وليلة في المنتخب الحالي.
@ قبل كأس العرب بالكويت كان الجميع يتوقع ان دور هالنجوم سيكون المشاركة فقط، ولكن الرد كان قويا، وسواها النجوم وفازوا باللقب، واليوم المطلوب ان يكون النجوم على نفس الاصرار والتحدي في خليجي (16).
* ابوالعريف تقدر تقول ان الاخضر شمس لا تغيب عن المنصات، وسواء كان الاخضر بنجوم او شبابه فان الكأس لن تكون بعيدة عنهم، خاصة ان الوجوه الجديدة عينها على الكأس والشباب قدها وقدود.
يا فالح صحيح.. بس ابتعد عن النظريات.