سوالف شاعرات

الشاعرة بدر البدور اتصلت بالشاعرة قمر الزمان (شاعرات من العصر العباسي) وجرت بينهما المحادثة التالية :
مساء الخير يا قمر الزمان
هلا وغلا بالشاعرة الكبيرة بدر البدور
بدر البدور : أي كبيرة بس واللي يرحم والدينك لاحد يسمعك .
قمر الزمان : ليه يا كافي وش اللي صار علميني ليه محبطة !!
بدر البدور : اليوم العصر أرسلت قصيدتي ( الحان الربابه ) لمجلة ( محتاس) ..
أرسلت القصيدة بالفاكس ، واتصلت أسأل عنها رد علي واحد ( خواجه )
قمرالزمان : وشلون عرفتي أنه خواجه؟
بدر البدور : قالي هلو مجلة محتاس للشعر الشعبي ترحب بكم ،
قمر الزمان : يا الخبله وهذا خواجه !!
بدر البدور : لالا أفهميني قالت له وصلتكم قصيدتي ؟
قال لي : أيوه وصلت أتصلي بعد ساعة يجي المحرر
قلت له طيب
قال لي أوكيه ( تشاو )
بالله يا قمرالزمان علميني وش معناها ( تشاو)
قمر الزمان : يالخبله معناها أقلبي وجهك ، المهم وش صار أتصلتي بعد ساعه
بدر البدور : أيه أتصلت وسألت المحرر عن قصيدتي ، تدرين وش قال
قمر الزمان : لا علميني
بدر البدور : قال لي قصيدتك مكسورة ، قلت له ( كسر يكسر رقبتك ) وسد الخط بوجهي .
قمر الزمان : يستاهل ما يعرف قدرك
بدر البدور : تدرين يا قمر الزمان أن هالقصيدة اللي يقول عنها هالمحرر الخبل أنها مكسورة نشرتها بالأنترنت وكل شاعر يمر عليها يبصم بالعشر أني مبدعه
قمر الزمان : والله إنك شوقتيني بالله تكفين سمعيني منها
بدر البدور : غاليه والطلب رخيص
أمس العصر وقفت على بابه
وهلت العبرة من عيني واذهبت
قمت اجر الصوت على الحان الربابه
واحن للبندق اللي على الخيل ازهبت
قمر الزمان : الله وش هالابداع وش هالزين والله انك مبدعه يا بدر البدور أسمعي نصيحتي ولا ترسلين للمجلات اللي فيها ( خواجات ) ما يفهمون بالشعر ما عليك منه يا وخيتي هذا حاقد على الشاعرات المبدعات اللي مثلك!!
وإلى اللقاء مع سالفة من سوالف شاعرات
اختكم/ رمله