قصائد الدبيسي المسربة بصوت عبد المجيد ترش العطر في الأردن

أحيا الشاعر عبيد الدبيسي أصبوحة شعرية في الجامعة الهاشمية في الأردن، وغرد الدبيسي الثلاثاء الماضي في فضاءات الشعر، بحضور رئيسة الجامعة رويدة المعايطة، وجمهور عريض، استطاع الشاعر أن يكسب إعجابه من خلال قصائده المتنوعة التي ركز فيها على نصوصه المغناة، وخصوصا قصائده الجديدة التي تسربت بصوت الفنان عبد المجيد عبد الله.
الدبيسي استهل الأصبوحة بتحية للأردن ومليكها وشعبها قائلا:
للهاشمي والدار مني تحية
ومني سلام بالحشا ماله اعداد
من دار ابو متعب ركبت المطية
واسوقها واقودها لدار الاجواد
وصافح الدبيسي الجمهور بقصيدته المشهورة (تعبت):
تعبت اقوم بوجه الايام وأطيح
لاطاب جرح ولا اندفن واحتسبته
ياهي سنيني ما اكتفت بالتباريح
ياذا الزمن شكلي كذا ما عجبته
كني خطأ ويدين الايام تصحيح
شي بري منه وشي ارتكبته
عشرين مرن كلبوهن بتلميح
جرحا قضى نزفه وجرحا عصبته
وانتقل الدبيسي إلى قصائده المغناة (وينك) التي سبق أن غناها الفنان عبد المجيد عبد الله:
وينك بغيت احط واحد بديلك
واحد بغى بالحب يأخذ مكانك
واحد لعب بي لعب والله وكيلك
لو ما نهيت القلب روح زمانك
الزول زولك والعمر نفس جيلك
والعود عودك مشيتك مع ليانك
واستمر الدبيسي بين تفاعل الجمهور وقصائده الاجتماعية والعاطفية ليلقي قصيدة أخرى لاقت استحسان الحضور:
راع الردى سهل عليه مجازاه
مير البلا الطيب وش يرد طيبه
هذاك لمنه دمل كبدي اجفاه
واشد وابعد عن نواحي شعيبه
مغنيني الله في حياتي بلياه
الماقف اللي يذلني ويش ابي به
من لاسقاني بشهب اللال من ماه
وقت الروا ما جيت ادور قليبه
وتفرد الدبيسي بقصيدته (أحبك) التي كانت تحمل الكثير من العذوبة ليصفق لها الجمهور طويلا:
مسوي عش في صدري .. وانا أشوفك هنا عصفور
واعطيتك مفاتيح القفص لو هالقفص صدري
تمر الناس يا طيري تمر وتحتفي بك دور
وانا واقف على دروبك .. متى يرجع بعد عمري..
أخاف إن ما ضويت أنه مصوب جنحك أو مكسور
وانا أدري كثير اللي يتصيد غرتك .. بدري
أمانه .. لو يصيبونك حبيبي لاتطيح .. ب/ سور
تضم الجرح بجناحك وطير بواحد .. لجدري..!!
ترى ضلوعي على ريشك حنونه عظمها بلور
وحق العيش والعشره أحبك والهوى .. عُذري
وحلق الشاعر في سماء الإبداع بهذه القصيدة الرائعة:
أصلا .. وش اللي باقي ما خسرته..!
وإن عودت .. يا صاحبي للخساير
اللي مضى فرطت به .. ما اعتبرته
واللي بقى في كل الأحوال .. طاير
بأعيش وقتي وأتلحق ثمرته
ما أدري .. وش اللي بكره الصبح .. صاير؟!
ما هو .. ب/ أنا اللي يحرق الوقت كرته
انا .. [أرتكيله] لو يقولون جاير
وأقام الدبيسي في اليوم التالي أمسية شعرية في المركز الثقافي الملكي في الزرقاء قدم من خلالها نصوصا جديدة، حيث صافح الجمهور بقصيدة تسربت للمستمعين بصوت عبد المجيد عبد الله وتحمل عنوان (قمر عالي):
قمر عالي كذا خلك
نصيب الناس بك شوفه
من اللي عاد يوصل لك
عليك قلوب ملهوفه
تدلل يا حلو دلك
على الحلوين بك نوفه
قمر كلك على كلك
جمعت الزين ووصوفه
يغار الورد من فلك
وطرفك تذبح سيوفه
قمر ضايع معك ظلك
وشعرك طوفه وطوفه
وألقى نصا آخر سبق أن تسرب أيضا بصوت عبد المجيد عبد الله (العب السامرية):
العب السامريه في خفوق المعنى
خذ ضلوعه دفوف وغن له سامريه
ردد الحان قلب في غرامك تعنى
خلها يا حبيبي ليلة شاعريه
ليلة في حياتي غيرها ما اتمنى
ويش يبغى المولع لا صفا له خويه
خلني بس ليله بالحياه اتهنى
ثم دونك حياتي كلها لك هديه
كل غصن بقلبي بالطرب لك تثنى
جاتك اشواق قلبي من بحرها عذيه
غن عذب القصايد شيل منا ومنا
دام انا لك شفوق وجمرة الشوق حيه