مكاشفة "أبو العريف" مع المبرقعة..!!

@@ ابو العريف.. ويش آخر الاخبار؟
* توقيعات وتهديدات، واللي ما يوقع على استمرار (الباشا) سيحسم من مرتبه.. وسيوضع في القائمة السوداء..
@@ ومين هم اللي بتكلم عنهم؟
* على قول عبدالمجيد عبدالله (حبايبنا).
@@ ابو العريف.. النهضة بدأت تشتعل؟
* من الافضل ان تشتعل حتى لا تنام.
@@ واذا نامت؟
* يعني نتائج حلوة جدا.. جدا.. جدا.
@@ ابو العريف ويش سالفة البلوي مع بيبيتو؟
* الرجال فاز بيها، جمهور واستقبال تاريخي، يعني البلوي نجح يا ناس.
@@ ابو العريف.. ليش ما تحضر مباريات القادسية؟
* لان المدرب فاهم جدا.
@@ ابو العريف.. العجلاني جاب اجلك والحين فريقه في المركز الثاني وبيتأهل للدور الثاني.
* المشكلة انك يالمبرقعة موفاهمة شيء، تدرين ان القادسية هو الفريق الوحيد الكامل في مسابقة تحت سن ال 23 سنة، يعني ان نفس هالفريق هو الذي سيلعب في الدوري، بعكس الفرق الاخرى اللي ستلعب بفريق مغاير.. الله يستر من هالخدمة..
@@ ابو العريف كأنك متحامل على القادسية.
* صدقني ان احب القادسية، لكن الله يهدي البعض.. ودهم يسوون (طالع نازل).
@@ ابو العريف ويش سالفة اللي يهاجمون.. ويجون يتقربون.
* مثل سالفة اللي يقول ما يعترف ب (الميدان) وتال ابو جريدة يقرأها ويتابعها (الميدان) بل اذا ما نزلت صورته في (الميدان) يموت.
@@ ابو العريف كأنك تضرب من تحت الحزام؟
* لا وانت الصادقة.. فوق الحزام..!!
@@ تصدق يا ابو العريف مشكلة البعض انه يكابر وهو ضعيف.. ليش؟
* لما ينضرب على رأسه يعرف ليش ويعرف قيمة نفسه.
@@ ابو العريف بصراحة ويش سالفة الشيشة؟
* صارت موضة في الصحافة بعد..!!