فقيد الشعب

مالوم انا قلب شكا الهم والبين
.........قلب من اللوعات شاف الغبينه
علم لفانا في مساء يوم الاثنين
.........نجم هوى والقلب اسمع ونينه
يا عين هلي صادق الدمع ياعين
.........الحزن طاغي والمشاعر حزينه
احمد رحل ابن الملوك المسمين
.........والعين تبكي والعباير سجينه
رمز الوفاء بحر الندا والعناوين
.........فرز الوغا درع الحصون المتينه
رجل الفكر رجل الأدب والقوانين
.........تنفق يدينه ما تحوشه يدينه
ابن القيم وابن الشيم والسلاطين
.........العقل واعي والمبادي رزينه
ياقف مواقيفه على العسر واللين
.........بول سنينه لين آخر سنينه
ابو اليتامى والضعوف المساكين
.........سحابة تمطر بياض وسكينه
من وين ياتيه الردا بس من وين
.........بحر الكرم فيه الجواهر ثمينه
يبكيه قصر لاجود حينا بعد حين
.........ويبكيه من عيا زمانه يعينه
وتبكيه خيل السبق وسط الميادين
.........وتبكي على فرقاه كل المدينة
وتبكي الحضارة والرياضة مضامين
.........وصرح المعالم من يسار ويمينه
وحتى الصحافة والشعر والدواوين
.........تبكي حزن اليا ذكرنا جبينه
ابوه ابوانا لا رجحن الموازين
.........ابو فهد مبري الكبود الحزينه
ظل يظللنا فياض وبساتين
.........ترفع له البيضا شراع السفينه
أمير نجد اللي كعام المعادين
.........سم ذحاح للقلوب الضغينه
ان كان فالتاريخ فعل وبراهين
.........سلمان له فالطيب سجل وخزينه
يالله يا منزل تبارك وياسين
.........يا عالم الأسرار لوهي دفينه
ترحم فقيد الشعب يا نصر الدين
.........العلم فادح والخلايق رهينه
امين يارب السموات امين
.........غبينه ياكبرها من غبينه