رسالة إلى باراك أوباما

باراك أوباما ابتسم لو جاك من مثلي رسول
بيده رسالة واضحة من داخل القلب وصفاه
بسم الله الرحمن مبداها، وهذا خير قول
وْبعد التحيه خافقي عاجز يبين لك وفاه
شكراً على التقدير، وان ما جا ترى ماني زعول
ما راح أحط بخاطري وْعندي من الله الغناه
والآدمي ما ضره ان اتغيّرت معه الفصول
من عاش فصل الصيف راضي عاش راضي في شتاه
فككتوا الأمة وصار البحث بأجداد و أصول
هذا عْربي، هذا مهو أصلي، وهذا من وراه
وْخربتوا الإسلام بأفكار السياسة والذهول
المسلمين تفككوا والدين واحد من رعاه؟
فرّق تسُد، مِنهاجكم، والسيطرة للي يطول
أرض العرب لو ان ما فيهم أحد لأرضه دعاه
يا مسلمين الأرض: ما حد منّكم جاله فضول
يقرأ حديث المصطفى والله يهديه بُهداه
من كفّر بمسلم فهو كافر وذا قول الرسول
عليه وآله والصحابه ألف تسليم وصلاه
المشكلة في هالزمن ما هي بتفكير العقول
المشكلة باصحابها لا صاروا للمولى عصاه
ما يقتل اهل الأرض إلا شخص بالدنيا جهول
وْما يذبح ابن آدم سواة المال والسلطه وجاه
باراك أوباما تراني ما افتريت ولا اقول:
هذي الرساله واضحه من داخل القلب وصفاه
أوباما