بيت وصدى

كان بيت الأسبوع الماضي للشاعر عثمان ابراهيم الرشيد من الرياض حول كيفية قضاء وقت الاجازة ويقول:
جتنا الاجازات وكل واضع خطة
حاول بترفيه ماتخسر معه دينك
وكان صدى البيت من الشعراء
اترك ديار بها الاخلاق منحطه
احرص على اللي لانصيته يعينك
ان كان عندك خيار بخاطرك حطه
حتى تريح عساها تسلم يمينك
والى حصل من رفيقك قاصر غطه
خلك حليم وراع الناس في عينك
علي الرشيد - رياض الخبراء
ياكثر ناسن اجازتهم بها شطه
هذى نصيحه تراها بيني وبينك
عفشك بفندق قريب من الحرم حطه
بجون طبيعي وحافظ مالك ودينك ً
سيور الايام يا رجال من قطه
لو مت يمكن بعد ما سددو دينك
سعد صنهات السهلي /الدرعية
اغراضك اللي مهمة حطها بشنطة
خصٍ المصحف حطه في نظر عينك
وللدولة المسلمة جوازكم حطه
حافظ على سمعتك ويا وراعينك
واخير منهم جميعا موترك وطّه
على ديارٍ مع القبلة مشا دينك
سعود بن عبدالعزيز الهزاع
- نعام
احذر من ديار فيها اخلاق منحطة
انص المدينة ومكة تسلم يمينك
" ماكل غلطة ترى ياصاح لك غلطة
لا لا تندم وتصفق بعدها يدينك
ترفيه مع تربية والدين لك حطه
حطه قبالك وربك دايم يعينك
لا باس لو صارت العربان منبسطة
ساعة وساعة بحزمٍ بان به لينك
عثمان ابراهيم الرشيد0 الرياض0
حاول تمثل بلادك والجهل وطه
لاتخسرالدين ثم تعمي سنينك
لالاتعدى حدودك طبق الخطه
خلك على دينك الي يظهربزينك
تراالعمر سايروالناس في غطه
لابدمن يوم وساعه تحتري حينك
بيت الاسبوع
يكتبه للصفحة الشاعر حمد عبدالله الوايلي من حوطة سدير ويقول:
الشهرقرب والاجرفيه معروف
يالادمي اكسب تراها فضيله
نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011