عواكيس

* العزيز معوكس باختصار وش قصة عبدالعزيز الدوسري مع الاتفاق، ولو كنت نصراوي تتوقع يجيك النوم وباقي ساعات على المباراة وتكون بطل للدوري بعد غياب اعوام طويلة؟
سفير الحلة - الخبراء
- قصته مع الاتفاق قاعد.. قاعد لوينزل الفريق جنب الثقبة!
* تحياتي يابو العواكيس اشوف البعض يطالبون القروني باللعب محليا في الرديف من اجل الآسيوية، معقولة صاروا يغارون على (عميد الالقاب).. وش القصة؟
راشد الدوسري - الخبر
- لو الفريق المقابل غير ولعب القروني بالرديف جاه خطاب طي قيد بدل لفت نظر ابونخاع!
* لك تحياتي وتقديري ياشيخ معوكس.. هل انت من اللي يحبون ان تأتي قبل اسمهم كلمة (شيخ) ام انك رجل عصامي ورياضي لا تحب الفشخرة؟
حمود العبدالله- تبوك
- الفشخرة والبهرجة وعشق الاضواء دورها عند بعض الناس!
* حياك الله يامعوكس في بيتك (زاوية عواكيس)، اما سؤالي فهو ما الذي يحدث اداريا في الهلال.. ومتى تروح الفوضى؟
خالد السالم - عرعر
- تروح إذا فرمت اداريا وفنيا!
* الاخ معوكس ما الذي تفهمه من الزوبعة حول تدريب خالد القروني للاتحاد.. ومن المستفيد والمتضرر؟
محمد احمد - جدة
- بكرا على خير تعرف المستفيد يابو احمد!
* لماذا يامعوكس ما تظهر لنا عبر برنامج عشرة على واحد.. عشان نشوف لأول مرة على الهواء.. وترى الدعوى ما تبي شيء كلها طمرة وحدة لبرج التلفزيون وشوي وانت عندهم؟
فهد الهاجري - الدمام
-لا يمكن ومستحيل أظهر والدعوى كل من هب ودب من المشجعين المتعصبين!
* ما الذي يحدث يامعوكس في الغرف المظلمة.. يقولون ما فيه الا احتجاز وتهديد بالضرب.. وين اصحاب القرار من تشويه الرياضة؟
ناصر العتيبي - الطائف
- اقول الله يرحم الحال هو فيه قرار والا أصحابه!
* لماذا يامعوكس لم نشاهد جماهير الاتحاد في الدوحة امام لخويا.. عسى المانع خير؟
اسامة عبدالله - جدة
- يكفي مطامر ذا المتسولين اللي رجعوا للسمسرة والشحاذة!
* تتوقع يا معوكس التحكيم رايح يضبط في الجولات الجاية وما يكون فيه عثرات؟
محمد اليوسف - الجوف
- ما ظنتي وبعدين وش الفايدة الدفع الرباعي خلصها من بدري!
* العزيز ابو العواكيس ما الذي تقرأه حول مستقبل الرياضة، وهل هناك علاج ممكن للفوضى الحالية!
بندر العصاي - عنيزة
-لنا سنين ننتظر العلاج وما شفنا الا مبررات ووعود كلها وهم!
* قاهرهم وحابس دمهم ابوالعواكيس: تكفى ياصديقي توسط لي ووصلي رسالة لرئيس الهلال مضمونها وش طريقتهم الرهيبة بتجديد العقود أشوف الدعوى أعجاب وحب وعاطفة وين اللجنة الفنية اللي تقيم صح والدليل عقد عبدالعزيز الدوسري اللي غلط في قيمته وتوقيته؟
أحمد الحمد - بريدة
- وشلون أوصلها يا بوحمد شكله حاط لي حظر في الواتس وآن فلو!
* صاحب المليون رسالة ابوالعواكيس: وش رايك في الخبير الكحلي اللي يدافع عن واحد أنكر ميوله ويطالب بعدم سؤاله مرة ثانية عن الميول؟
عبدالعزيز سعد - الشفاء
- شكله يمون عليه وما يمدح السوق الا من ربح فيه!
* الزعيم خفيف الدم معوكس ألحق وأضحك على بعض الإعلاميين اللي تطاقوا وكلن قام يفضح بالثاني في التويتر؟
محمد هزازي - جدة
- ما شفت شي باقي المسلسل قدام المصالح تضاربت والله يريح الاعلام منهم أثنينهم شاءوا أم أبوا!
* الاجمل والاظرف ابوالعواكيس: ودي اعرف وشلون القناة تجيب عضو مجلس إدارة يحلل وينظر وليته يفهم كل كلامه تعصب في تعصب؟
زياد العايد - غرناطة
- مالقوا أحد قلبوها درب الزلق جب من ذا المهبل وطقطق عليه إلين تفطس من الضحك!