يالشعر مابك فود لو قيل بك فود

يالشعر مالك عادة ٍ تقطع حدود
عادتك ميلادك بضيقة مكاني
واليوم بانضملك من عقودك عقود
شي ٍ عجز ينطق بطعمه الساني
ياكثر تلحقني من يدينك الهود
وياكثر ماشفت بأماني اماني
عقدين والعقدين بعيوني اعقود
هذا اجل هذا مكان بمكاني
لاناصر ٍ ناصر ولا عوض حمود
ولا زمان البهذله من زماني
ياكثر مايوعد بالا فراح مقرود
وياكثر مقرود وحزين ويعاني
ابعاد والا بعاد ماتروي ورود
ولاضن هذا غير شانك وشاني
الناي باحزانه كما نوحة العود
والعشر عشر بعشرهن هن ثماني
يانايف الشاعر وكم كان نمرود
الهادم اللي قيل إله كان باني
انا هنا ء موجود واهناك موجود
و ماكذا وقتي وهذا زماني
ويالشعر قالو عود ماقلت لك عود
لأنك مكانن تستقر المحاني
والجود غير البخل والجود به جود
واخر زمان العبد ميت وفاني
الله من سود ٍتمثل بها سود
نبرات حزنن تستحل المواني
البارحه من كودهن شفت انا لكود
جربت حربتهن وطعن العماني
ويالشعر مابك فود لو قيل بك فود
لا عطيتني شانن ولا صنت شاني
مااعطيتني عود ٍ على شان هالعود
بقيت اعاني مثل ماني اعاني
الشاهد الله وانت بيامك شهود
غير الوفا ماكان إلي وجه ثاني