قلت السعودية وطنا

قالوا يطيح الحكم واللي حكمنا
مابدنا حاكم ولا قايد يقود
قلت السبب؟ قالوا ما تعرف سببنا
نبى نعلم لك عن أيامنا السود
حقوقنا ضاعت وريس ظلمنا
خلى حياة الشعب نار وبارود
ياما يعذبنا وياما سجنا
وياما قتل منا جماعات ووفود
وياما يجوعنا وياما قهرنا
لا خوف لا رحمة ولا حق مردود
هذي علوم الشام وأيضًا يمنا
يسقط علي يسقط مبارك ومحمود
وبن علي ومعمر اللي قتلنا
وبشار خاين عهد غدار نمرود
قلت الحقيقه طار عقلي وشبنا
وش هالبلاوي مالها حد وحدود
قالو وش ابلادك من العلم عطنا
عطنا علوم الدار وإبليس مقرود
قلت السعودية وطنا وطنا
دار الكرم والعز والأمن والجود
حكامنا ياهيه فينا ومنا
من أسرة آل سعود وابنا بن سعود
حكم كتاب الله وعدله شملنا
والشعب في خيرات والعدل موجود
ومشى على دربه عياله وحنا
نحبهم عندي على قولي اشهود
ولأمرك يابو متعب ترا ماأنتونا
دون الوطن والدين نار وبارود
يالله تحمينا وتبقي ملكنا
وتحفظ بلادي من هل الحقد والزود