كان بيت الأسبوع الماضي حول مقترح الاخ محمد بن عبدالله السماعيل من الرياض عن النظر في مدة التقاعد والامل في تخفيضها وفتح المجال للشباب الجديد لأخذ نصيبه من خدمة الوطن للشاعر حامد الغالي من الجوف الذي يقول: كان اربعين العام ما نقصوها عبنا وشابت رووسنا بالوظيفه وكان صدى البيت من الشعراء: اجيال تظهر وما بعد وظفوها شكى من الحرمان زيد ولطيفة بشهادة العليا ولا عبروها مكانها محتل بناسٍ ضعيفة بجيلٍ جديدٍ رحبو واكسبوها نقّص من الخدمة وعطهم وظيفة سعود بن عبدالعزيز الهزاع - نعام ياكم سمعنا بس والله نسوها دراست الخدمة حكاية طريفة مر نقول ان المسافه طووها وان جيت للمدة تراها كليفة احلومنا ضاعت مع الي نفوها واعمارنا تشقى وﻻ هي مريفة حمد عبدالله الوايلي - حوطة سدير راحت سنين العمر ما خفضوها يا صعبها لأجل الموظف كليفة وللغير بعض الدروب افتحوها كم من نفوس(ن) للوظايف لهيفة لازم من التخفيض لا تحرموها لا تحرمون الناس من هالوظيفة محمد بن عبدالعزيز الخنيفر - أشيقر ترى الحلول الناجحة ما لقوها الله يجيب المثمره و المريفه كم اقتراح أُرسلت وأهملوها لا قلت بان النور صارت كثيفه لكن أهل الحل لا حللوها زانت امور للمواطن لطيفه علي رشيد الرشيد - رياض الخبراء ليت الموظف خدمته رتبوها دام البعض صارت حياته كسيفه عشرين تكفي والأوادم قووها راتبه كامل والحوافز تضيفه تبقى البطالة غايبه مالقوها والكل يسعد بالحياه الشريفه عبدالكريم ابراهيم بن خزيم - البكيرية عشرين مع عشرين لو كرروها صارت مع النظام مثل الوليفه لو فكروا فيها ترى خفضوها خمس وثلاثين تراها كليفه فرصة وظيفة عاطل قربوها ومن تقاعد حينها له خليفة عبدالرحمن أحمد الكنهل - الرياض الخدمة اللي حولنا مابغوها رغم إنها يا ناس ماهي خفيفة خمس وعشرين السنه كلبوها كد ومكده لين عمرك تعيفه وش لون أجل بالاربعين اعرفوها وش لون حالك عقبها يا خليفه حامد الغالي - الجوف يا من بيدك حلها خفضوها تكفى طلبتك في شيوخ كفيفه كدوا السنين الغابرات وقضوها مابين مد وجزر مهد الشريفه واليوم ولى عمر جيل حموها قل قواهم عقب صوله عنيفه علي الزولان الفيفي - بيشة ناس(ن) قضوها وتعبوا ما أكملوها أعوام تلو أعوام والله عنيفة ليته ثلاثين لهم قرّروها يا زينها لأجل الموظف خفيفة طالت علينا سنين هم كثروها يا ما قضينا أيام عز وشريفة ريان محمد الخنيفر - الرياض كانت قبل عشر سنوات درسوها وماتت دراستهم وقالوا حسيفه واليوم صارت حاجته واكتبوها واللي على النظام عينه كفيفه والمجلس الشوري ورى ماعرضوها ينقل معاناة المواطن وحيفه سالم فهد الناصر الدوسري - الرياض بيت الأسبوع حول مقترح الاخ حمود الزغيبي من الرياض حول حماية المعلم من اعتداء الطلاب ارسل الشاعرعلى الزولاني الفيفي من بيشه هذا البيت: اناشد المسؤول عبر الخزامى يجود في منح المعلم حصانه
