وجه وضمير

كلمتي لك بالعتب ماهيب دايم
لاتكاثرها ترا ماهي كثيره
ايه اغار وقلبي اللي فيك هايم
ينقسم نصفٍ حنان ونصف غيره
انظر بوجهي وتاجد له علايم
والنقي وجهه يعبر عن ضميره
ياحفيد اللي لهم فعل وقدايم
تكرم الضيفان. وتصد المغيره
يوم اغار احيان مال القلب لايم
أنت ملفت, والخطر في كل ديره
ودي اني معك عن جو العزايم
فالسماء. والآ وحدنا في جزيره
ماخلطنا الا الرقيق من النسايم
والغمام وريحة العشب وغديره
وانظرك صاحي وانا بالحلم نايم
ياعسى شوفتك ماهيب الاخيره
ميتٍ بك موت جوع وعنك صايم
دون لمس الورد يكفيني عبيره
قلبي اللي عن جميع الغيد شايم
جاك عمد وسلّم احساسك مصيره
خذ حياتي ملك وايامي غنايم
دهشةٍ تملا عيون الكون حيره