وين تلقى شايبٍ مثل ذا الشايب عجيب يقطع عذوقه وتمره ويلقط ناجحه أشهد إنه شكله اليوم في الدنيا غريب هملوها العماله وخلوا صالحه مبارك بن محمد بن طرجم - وادي الدواسر هذا زهاب جدودنا ذيك الأزمان وهو يقدّم للنشاما المسايير يا زينها يا حلوها بوسط حيطان التمر متوفر والدار في خير ونخيلنا في زود في كل بستان في نعمةٍ يا ناس تحتاج تقدير محمد بن عبدالعزيز الخنيفر - أشيقر الله يعافيك يا الفلاح بالمزرعة ما تبي دوره التمر من نخلته طاح وبدا يجمع تموره عوض لافي الرشيدي - حفر الباطن الشايب اللي عجل بجني الاثمار ليته تأخر وانتظر حد حينه كان الرطب وافي وفيه التمر صار والسعر يغلى ما تحرّى ثمينه وينه يا بو سلطان نبي منك الأخبار يمكن مكانه في الحسا والمدينه حمد عبدالله الوايلي - حوطة سدير راع النخل والتمر وقت الجدادي يستثمر المحصول والبيع بالسوق ترى الرطب مرغوب كنزٍ وكادي تبقى البواقي كلها ليف وعذوق عبد المحسن بن محمد المحيسن - رياض الخبراء يا ناسق التمره ترى الهم قافيك شهرين ويجي لك دواكيك وهموم عمالكم راحوا بحملات تشييك جاهم خطاب ووقته اليوم معلوم صحح لوضع معزبك قبل ما نجيك والا السفر آخر حلولك وملزوم عبد الكريم النغيمشي - لوذه يشمرخ مناصيف من عذوق مطواح من مزرعة تبارك الله خصيبه منظر مؤثر يوم ذا الشيخ فلاح تمره تقل عجوة من نخيل طيبه اللي بيقدع من تمركم يرتاح الدبس من طيبه يماشي عسيبه سعود عبدالعزيز الهزاع - نعام التمر موجود ببلادي يزود شوفوا الرجال يصرم واهناه التمر له دور في عصر الجدود بالليالي المقحلة محلا غذاه النخل متوفر وبلا حدود كلنا في خير ونسعد في عطاه ريان محمد الخنيفر - الرياض السعوده وينها يا ناس التّمر صاروا ينقونه رفيق يكسب وهم جلاس الرزق دايم يدلونه عبدالكريم عبدالرحمن السلّوم - القرائن الحلوة اللي حفتها يا بو منصور هذيك يا برها .. وهذي عدلها عسى لك بداله نعيمٍ مع الحور تحت مقاطير الغرايس بدلها عبدالعزيز الصالح - حائل هذي حياةٍ مضت والناس مبسوطه ناسٍ تحب العمل بالخير مذكوره عمالة السعوده يا زينها بالحوطه هذا زمانٍ مضى خيراً من الكوره إبراهيم البليهي - الشماسية نستقبل مشاركاتكم على إيميل الخزامى: [email protected] أو الفاكس رقم: 4871070 ونرحب بما تلتقطه عدساكم من الصور الطريفة والهادفة .. ويا هلا صورة العدد السابق
