وعد القراح

هلت على بنبان وسالت في صلبوخ
وابتلت عروق الضما في قاع ملهم
وقلت اليباس اللي غدى في صدري شروخ
ما بلله غيم في جفني ترزم
يا من خذت وجناتها حمرة الخوخ
او حمرة عصير شفقها تبسم
للقيظ وجه لو لمحتيه ممسوخ
ما له عيون والا حجاج ولا فم
يا شيخة اشقت على وصلها شيوخ
كم جامح من دون وصلك تلجم
طال المديح وغار مساحة الجوخ
طال العتاب وحسبه عاذلي ذم
مطنوخ ما اظنك تشوفين مطنوخ
وش يمتلك عاشق من الحظ معدم
باقي شموخ اظن باقي لي شموخ
ولا الوكاد ان كل ما بي تهدم
بسألك من هم على صدري ينوخ
اليا متى بوعد القراح اتعشم
هلت على بنبان واطراف صلبوخ
لا علني جفني ولا وصلت لك جم
ناصر بن محمد الفريدي