صوت الصورة

من التعب الحال مهدود
والنوم ما فيه استطاعه
ولا فيه لا مكسب ولا فود
أنام فيها ربع ساعه
عبدالله بن عبود السهلي - تبوك
ياللي طلبت الصوت عبر الخزامى
الصوت بالصورة بعقناه بالحال
عامل محطة خال البال ناما
مدري تعب وإلا غفل صاحب المال
ما هو عشير الهم راع التزاما
ما نام في ليله ولا نام مقيال
فهد عقيل الطويان - بريدة
أزمة وقود اليوم خلتك مرتاح
حطيت راسك بين الأخضر والأحمر
طف المحطه كلها اليوم يا صاح
لين الذهب يا فر ترى الذهب الأسمر
عبدالمحسن بن محمد المحيسن - رياض الخبراء
هذا العمل يا صاح يحتاج لرجال
ما همهم لفح السموم ولهيبه
أسلافنا من قبل كدوا في الأعمال
دام العمل مشروع محدٍ يعيبه
بالصبر تلقى الخير وتزين الأحوال
كلٍ على جهده بيأخذ نصيبه
شف عامل البنزين يكدح وشغّال
معذور نومه في الظروف الصعيبه
ناصر جمعان آل عوض - وادي الدواسر
بين الطرنمبه والطرنمبه لي مكان
وسط المحطه يا جماعه منامي
اخدم زباين دون كل.. وهوان
عز الله إني مخلص لا.. ألامي
حمد عبدالله الوايلي - حوطة سدير
ودي بغطّة لين ياتي زبوني
ما فيه أحدٍ والزباين قليلين
من جاء يروح ولا تشوفه عيوني
وأهل المحطة دوم ما هم قريبين
محدٍ درى عني ولا هم بحولي
ألعب على كيفي ولا هم بدارين
محمد الخنيفر
ممتاز قم عب لي خمسه وتسعين
وابعد عن البنزين نوعية الممتاز
ضوّه خطيره وأنت رجّال مسكين
أجمع حلالك بالسّلامه يا معتاز
إبراهيم بن صالح - الجبيل الصناعية
خذاه النّعاس ونام جنب الطرنبه
من تحت لي اللي يبي خمسه وتسعين
سوقه ضعيف وما لقا ناسٍ بجنبه
في ذا المحطة والزباين قليلين
سعود عبدالعزيز الهزاع - نعام
لا مواتر أو حراكٍ بالمحطه
ليه ما حطوا لشرحه لافته
أما تعاني نسبة البترول ورطه
أو صيانة للمكن متشتته
مير المحطه ترجع لباكر محطه
حالة التعطيل ما هي ثابته
سعود عائش الحربي - القاهرة
يالمنسدح عند المحطة عسى ماش
هو من التعب والا زباين قليله
لو جاء المراقب كان سوى لك هواش
ويصير لك مع زود حمى مليله
كم واحدٍ بالنوم للخير ما حاش
الأيام تمضي ما يحصّل حصيله
خالد بن ناصر المخيمر - روضة سدير
عامل محطه نام من كثر الارهاق
الله يعين الشخص لا هو مكافح
يا رب أسألك لا تحمل عمل شاق
عفوك وتدبيرك وسهل التسامح
ما خاب من يكسب حلالٍ كسب عارق
يتعب ويشقا في جميع المصالح
عبدالعزيز بن مقبل البشاري
النوم سالطانٍ .. ولا فيه حيله
خصٍ لاصار الشخص ما هو بمرتاح
يا حلوها نومه ولو هي قليله
تزيل عنك المتاعب وتنزاح
بشائر القحطاني - الرياض
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
ونرحب بما تلتقطه عدساكم من الصور
الطريفة والهادفة.. وياهلا
صورة العدد السابق