علوش والدبل يعطران ليالي عنيزة بالشعر

أمام (10) آلاف متفرج

] نظم الأسبوع الشعبي الثالث وضمن فعاليات سياحي عنيزة 26 وبحضور الشيخ صالح بن إبراهيم النهابي رئيس مجلس إدارة شركة التسهيلات السعودية القابضة المشغل لسياحي عنيزة 26 وجماهير غفيرة تجاوزت ال 10,000 متفرج أمسية شعرية أحياها الشاعر سعد علوش والشاعر نواف الدبل، وبدأت الأمسية بتعريف للشاعرين من عريف الأمسية الأستاذ بدر الفرهود ومن ثم استهل الأمسية الشاعر سعد علوش بقصيدة وطنية قال فيها:
عليك من ربي خشوع المصلين
يا دار أبو فيصل معنز رفيقه
يا مهبط الوحي النقي والحرمين
اللي بها محال المشاعر حديقة
أقول هل الإرهاب ذولا مساكين
هل الشقيق يجوز يذبح شقيقه
لا هي فالدنيا ولا هي فالدين
جديدة ونار الخوارج عنيقه
كما شدا بقصيدة رائعة ومنها:
من كل حرف وكل شهرة صبابة
استغفر الله واتعوذ من ابليس
اعوذ باللي آوى عبده وسرابه
يجي نهار الحشر خلف امرؤ القيس
يا رب يا رب الكرم والمهابه
يلين لك أعلام الاوادم مناكيس
جردني من النابيه والسبابه
ولبسني من دروع هديك متاريس
بعد ذلك انتقل الرسن لفارس الأمسية الثاني الشاعر نواف الدبل، حيث شدا بقصيدة رائعة بمحافظة عنيزة جاء فيها:
يا سلام الله على الدار العزيزة
مستحله قلبي بفتره وجيزه
لو دروا عنها المتاحف في فرنسا
حطو صورها بدال الموناليزه
علموا اللي راح باريس يتمشى
ما تجي ربع الوناسه في عنيزة
لو أنا من ناسها أو من أهلها
ما ادخل زايرين ألا بفيزه
ناس ياخي شوف وأنت تحكم بنفسك
من ملامحها أنها عزيزة
يا سلام الله على الشعب القصيمي
الوفا خلاه من طبع الغريزه
بعد ذلك ألقى عدد من القصائد نختار منها قصيدة رثاء بمحمد بن عبدالله البليهد قال فيها:
صدق الحياة تعلم اللي ما نفع فيه الكلام
وحتى القلوب الميته تبكي بوسط الزعزعه
مني سلام من أول القاعه إلى اخرها سلام
اللي يبي درس ببلاش يثمن اللي يسمعه
النور خدعه فيزياء واليوم كذبها الظلام
وما بقى من ظلم خلق الله ولا ضوء شمعه
الضيق ضيق القبر لا بالله بصدور الأنام
بالعكس يا بعض القبور انها لميتها سعه
ومن ثم حلق الشاعر سعد علوش بقصيدة غزلية نختار منها:
حبيبتي من النوع الفريد
لا جيت أبمدحها أخاف أذمها
لان المديح بها ينقص ما يزيد
ولنها خيال طايش وما همها
متمرده وبعقل هارون الرشيد
وفالزين ما عذرى توقف يمها
لو قستها مثلاً على الجيل الجديد
تحط حليمة بولند بكمها
وفي ختام الأمسية قام الشيخ صالح النهابي بتقديم درع المهرجان للشاعر سعد علوش والشاعر نواف الدبل والأستاذ بدر الفرهود.