اكتب لك من الشعر مقطوعة

جيتي مع الشوق فوق الغيم مدفوعة
واصبح حديثك معي مثل المطر حالي
يابنت كل أدمي يطلع على نوعه
وانتي نصيب الحظيظ وطيب الفالي
حبِ رسمه القدر وابدع بموضوعه
ماكان قبل أعرفك يخطر على بالي
أبيك وابغا الغلا ينقاد مشروعه
ابيك مثل المها واجيك خيالي
وابيك كلك واخص القلب واضلوعه
ان كان قلبك صحيح من الهوا خالي
وابيك في ونة المجروح وادموعه
وابغي المسافات مايبقى لها تالي
وابيك دنيا جمال الورد واشموعه
وابيك ساطع لكن مثل القمر عالي
وابيك عني خطاة احيان ممنوعه
الوصل لاصار عاده يرخص الغالي
وابيك من فوق كل الغيد مرفوعه
ومن فوق قدر البخيل وعابد المالي
وابيك واكتب لك من الشعر مقطوعه
ياقف تحتها النظر لو مالها اضلالي
وابيك ذكراك فالوجدان مطبوعه
مابيك شخص اذكره لادق جوالي