بيت وصدى

الأسبوع الماضي كان بيت الأسبوع من طرح الشاعر محمد عبدالكريم العمير من الرياض حول موضوع التجمهر حول الحوادث المرورية وحب الفضول عند كثير من الناس والبيت يقول:
تجمهروا حول الحوادث كثيرين
فضول والاسعاف سدوا طريقه
وهذا هو صدى البيت من الشعراء حول موضوع البيت المطروح:
ولامنفعه لوالعدد زاد عشرين
هذا فضول زاد شوفو طريقه
يااللي لكم شور وانتم خبيرين
لو الجهات تبادرك في دقيقه
ماجا مجال للتجمهر فضولين
والحاضراللي بان اكثرحقيقه
حمد عبدالله الوايلي-حوطة سدير
موقف حرج ما بين جرحى ومصابين
وأنت بفضولك كل منقذ تعيقه
توقف تصور ما تمالاه بالعين
والوقت نحتاجه ولو هو دقيقه
عط النشامى فرصة في الميادين
تقوم بالواجب وتطفي الحريقه
سعود بن عبدالعزيز الهزاع -نعام
ناس على حب المطالع حريصين
دايم على شوف المآسي شفيقه
لا مريحين احدٍ ولا مستريحين
ما منهم الا الغربله للخليقه
ما همهم أرواح ناسٍ مصابين
تحتاج لجل انقاذها للدقيقه
سعود سعد العتيبي- الرياض
ياناس يااللي تفهمون القوانين
الامر واضح كل شخص يطيقه
خلوا مجالٍ يسعفون المصابين
ولاّ ترا يمكن تولع حريقه
التوعية لازم بكل الميادين
يوجد امور بالمخاطر عميقه
علي رشيد الرشيد - رياض الخبراء
مخطين انا اللي قلت مخطين مخطين
هذي حقيقه كان تبغى الحقيقه
لاشافوا الحادث يجونه مغيرين
كلٍ يبي ينشر ايعلّم صديقه
ممنوع هذا في جميع القوانين
كلٍ على ماقيل يسلك طريقه
سعد صنهات السهلي- الدرعية
تبلّد الاحساس عند الكثيرين
شباب طايش والنصح مايطيقه
تجمهروا حول الحوادث سعيدين
تعازموا كلٍ ينادي رفيقه
فضولهم زاد الخطر للمصابين
تضاعفت حال الجروح القديمه
مواقفٍ ماهي من العرف والدين
تعافها اهل القلوب الرقيقه
ناصر بن جمعان ال عوض -وادي الدواسر
بيت الاسبوع
تجاوبا مع مقترح الأخ عبدالعزيز الحصان من الرياض حول ضرورة نشر الوعي بين المواطنين في التعامل مع كل المواد الخطرة والتعرف عليها عن طريق الاعلام المرئي بالدرجة الأولى والاعلام المقروء.ارسل الشاعر سميحان فهد السويدي من الرياض هذا البيت
نشر الوعي مطلوب في كل الاعلام
حول المواد اللي علينا خطيرة
نستقبل صدى هذا البيت بثلاثة ابيات فقط تدور حول هذا الموضوع
ويفضل الارسال عبر الإيميل rb-khozama@alriyadh.comاوعلى الفاكس (01/4871070)
مقترح لموضوع بيت الأسبوع القادم
ارسل للصفحة الاخ فهد المهوس مقترحا لبيت الاسبوع القادم وهو الاخطاء الطبية الفادحة في المستشفيات