بيت وصدى

كان بيت الأسبوع الماضي من طرح الشاعر حمد عبدالله الوايلي من حوطة سدير حول موضوع التسمم في أكلات المطاعم وخاصة هذه الأيام، والبيت يقول:
وقت الاجازة واختبار الشهادات
تكثر سمومات المطاعم وتزداد
وكان صدى الشعراء حول هذا الموضوع:
صارت طبايع العوايل وعادات
أكل المطاعم صار للناس معتاد
يعذر عزوبي والمسافر مسافات
ياخذ معه ماشاف من طيب الزاد
وحذرا اللحم أكبر خطر فيه حرجات
كم من عصابة كبلوها بالأصفاد
فهد بن عقيل الطويان - بريدة
شبابنا ذخر الوطن ف الملمات
حذرا على صحتكم من أهل الافساد
أهل المطاعم ربحهم بالحيالات
والذمة تخسرهم وانتم من أجواد
مدري وش اللي حدكم للبوفيهات
بايام درس وجد وحالات جهاد
عبدلعزيز علي الصالح - حائل
الاكل في بيتك يزيدك أمانات
تضمن نظافة مع سلامات الاولاد
بعض المطاعم ما بقربه سلامات
دايم مشاكلها تجي فوق الاعداد
ترا الحذر واجب وشفنا علامات
كم واحد يمرض وهو ياكل الزاد
علي الرشيد - رياض الخبراء
مطاعم فيها البلاوي والآفات
بعد الجريمة يقفل أيام وتعاد
لا من ضمير والنتيجة خيانات
واللي على هالحال يلزم بالإبعاد
نبي لنا حزم وعزم وشدات
نقضي على أهل الشر وجذور الإفساد
محمد بن عبدالعزيز الخنيفر - أشقير
يازين أكل إخواننا والامهات
أخير من مطعم تسمح به أعداد
إن كنت من طلاب ولّا طالبات
خذ سند وتشك من يد أغلى الامهات
أضمن من اللي من سريعة الوجبات
وخلك محافظ(ن) ومرتب الميعاد
سعود عائيش الحربي - القاهرة
استكمالاً لموضوع تسمم المطاعم وخاصة أيام الامتحانات والعطلة الصيفية أرسل للصفحة الشاعر غنام مسعود القريني من نعام ويقول:
إن كان بتزور المطاعم ومجبور
احذر من اللي ما يجونه رقابه
نستقبل صدى هذا البيت بثلاثة أبيات فقط تدور حول موضوع تسممات المطاعم وذلك على الفاكس 014871071 ويفضل الإرسال عبر الايميل rb-khozama@alriyadh.com