يا موقدين النار جوكم مسايير

من قصائد الأمس

يا موقدين النار جوكم مسايير
ناسٍ دعتهم ناركم توقدونه
سلام مني فالكم يا المناعير
سلام احلا من روايح مزونه
وان كان سلتوا يا رجال المخاسير
عن حالتي فالحال مني ترونه
اهجل كما تهجل خلوجٍ على ضير
وابكي بكا اللي وهقنه اظنونه
على الذي ما قط ذير ولا ذير
وحش الحما دونه ارجال يحمونه
أبو ثمانٍ واضحاتٍ مغاتير
غروٍ ايغذي بالشمطري اقرونه
مأكولها تمرة شثاثا وابا القير
وشربه حليب امبردٍ في اصحونه
ما وقفت تمشي بسوق الحواضير
لبسه طربزونٍ تخثع اردونه
بيني وبينه فرقتنا المقادير
وكم واحدٍ بيديه يطرف عيونه
وجدي عليها وجد من طاح بالبير
خم الرشا وحال ازرق الجم دونه
أو وجد من صكوا عليه المشاهير
وازروا هل العادات لايظهرونه
أو وجد راعي هجمةٍ به خواوير
حال الرمك ومصطر الغوش دونه
امس الضحى عندي بوسط الدواوير
واليوم عني مبعداتٍ اضعونه
على اشقحٍ خلف السبايا المشاهير
يتلي قطيعٍ مغترٍ مثل لونه
ياالله يا منشي السحاب المزابير
تجبر عزا اللي كاثراتٍ اشطونه
شعر الشيخ - مشعان الهذال