عواكيس

* بشر يابومعوكس إن شاء الله قبلوا احتجاج المنتخب السعودي ضد تكبير منتخب سوريا للاعمار في بطولة آسيا؟
تركي المسعود- تبوك
-اقول ما تتنرقع يدورون غيرها!
* الحبيب معوكس وش اللي غير نايف هزازي بين يوم وليلة وخلاه مايعترف بصرامة كانيدا وتهديد الادارة الاتحادية؟
احمد يوسف- جدة
- بلا الحب عذب "قيس الكورنيش"!
* العزيز ابوالعواكيس وش السالفة؟.. نشوفك صرت كاتب زاوية.. الله ياالدنيا ترقيت ومن اللي رقاك؟
عبدالله الظفيري- حفر الباطن
- وش رأيك يعني هالمترززين و"اصحاب العشتو"احسن مني؟
* ممكن تجيب بصراحة ياعم معوكس .. هل شاهدت حديث النعيمة لقناة لاين سبورت.. واذا شاهدت ماهو انطباعك؟
سعد التميمي- الرياض
- ابوفهد يلوموني فيه درر المشكلة وين اللي يسمع!
* صاحب الشعبية الطاغية معوكس ايكما الاسطورة.. انت والا عبدالسلام الهليل ؟
عبدالعزيز العوفي - المدينة المنورة
- انا أكثر انجازات وصديقي ابومحمد حولوه ضارب مع طائرة مفتاح14!
* صديق الجميع معوكس متى شعرت ان الاعلام الرياضي اصبح ما يقول الحقيقة.. وهل لديك القدرة على الانضمام لقناة الcnn كخبير اسهم عشان تنور الناس؟
محبكم سعيد القحطاني- خميس مشيط
- من جد ذا البرامج اللي كنها "درب الزلق"!
* الساخر معوكس يقولون انك تفكر ان تكون مقيّم للحكام؟ ممكن تعلمنا كيف يحدث هذا خصوصا وان الشروط تحتاج الى ان تقود مباراة دولية وان تستمر دوليا لمدة خمس سنوات وانت ما عندك هذه الشروط؟
بندر العصاي-بريدة
-عندي واسطة أهم من ذا كله!
* نقترح عليك يامعوكس ان تصير مساعد لريكارد .. يعلمك التدريب وتعلمه الذبات القوية لارباك الخصم.. وش قلت نوقع العقد والا لا؟
راشد الحمد - الجوف
- الا يامعطيني فرصة لو اعد عنه الراتب اللي باليورو!
* حبيبي معوكس ممكن تعطينا رأيك في دوري الاولى .. يقولون بعض الملاعب مافيها انارة ولوحات تغيير اللاعبين.. وشلون صار دوري محترفين؟
فهد العنزي- الجوف
- مافيها انارة يمدحون السرج!
* خبرنا عن اسامة المولد عقب البقس والحركة اللي تفشل؟
خالد السعدي - جدة
-عزالله فقعوا عين الضعيف ويقولون ابوسبعان ماقصر صرف بقس الله يرحم الروح الرياضية!
*الغالي ابوالعواكيس ودي أفهم وش دخل بعض أعضاء الشرف ومحجوب يوم يعترضون على تدريب سامي للهلال بالله هم يفهمون فنيا احسن منه شكلي عرفت سبب تدهور الزعيم؟
نواف الصيخان-حي الفلاح
- شكلك عرفت والايام الجاية بتعرف اكثر ردد ما اطولك ياليل!
*صاحب المليون رسالة ابو العواكيس وش رأيك في المدرب اللي يعترض على ايقاف الاداري ويقول ليته جنبي؟
حمد الدوسري-ابومبارك-العزيزية
- اقول يبلع العافية وزيت مازولا ولا صفوه جنبه في المدرج!
* الساخر الشهير معوكس اذا برأيك مدافع الهلال مانغان فاشل في دفاع الازرق وش المركز المناسب له
مشعل الصيخان-حي الفلاح
-فريق السلة!
* الحبيب ابوالعواكيس مشتاقين اخبارك بعد العيد برأيك كومبواريه يكمل الموسم مع الهلال؟
عبدالملك المرشد-عرقة
-وانت الصادق يكمل بالبدلة والكرفتة والوعد صالة المغادرة وابومديد معه يردد وداعية!