مبروك يا صمام الأمن دحار الإرهاب

أبو متعب دايم له الراي الصواب
خيره على الوطن مزونه ذرايف
مبروك يا صمام الأمن دَحّار الإرهاب
يامن أخذ من نايف جل الوصايف
أبوك ناصر الدين بكل محراب
وجدك خلى كل الصعايب خفايف
أبوك جود ذراها بكل الأطناب
ولهيبته خضع كل مغرض وحايف
وأنت الحر الصيرمي على كل مرقاب
على العدا شر وبأهل الخير رايف
ناصحت جاهلهم وبذلت الأسباب
ومن لا نفع فيه الدواء له حد سايف
لك عقل راجح من فوق الألباب
ولك حزم يفك معوقدات الكلايف
كم خطة سَبّقت لها جند وأسراب
عقب الطمع جرو حزين الحسايف
لأهل الوفا دايم مشرع الباب
ولك سطوةٍ يأمن بها كل خايف
لاشفت فعلك قلت نايف ما بعد غاب
حزمك وتخطيطك طبق الأصل نايف
أنتم لأهل الوفا وفيين وأحباب
ونارٍ على أهل الفرق والطوايف
ننام بحماكم ولا نحسب حساب
وغيرنا ذاق الهول والحتايف
مشاعر شاعر مع الشعر تنساب
بالوطن وأهله تجي له عسايف
مرزوق بن غازي الجميلي الحربي