أوبريت أمجاد وطن

الوطن يومه مجيد
ذكرياته يوم عيد
فيه لازم نستعيد
كيف حققنا الرياده
****
باسمك الله نبتدي وانت البداية
وانت فيك المبتدى وانت النهايه
والوطن قصة وتوحيده حكاية
قادها عبد العزيز آل السعود
****
قرر انه يستعيد
ملك جده من جديد
عزم واراده حديد
واسترده واستعاده
****
ولازم ان الجيل يعرف تفاصيل الجهاد
كيف داره صار وشلون صارت هالبلاد
يوم ساد الخير ببلادنا والشر باد
واستتب الأمن والله حفظ هالمملكه
****
كيف صارت مملكه
عقب ماهي مهلكه
ودربها من يسلكه
ذبح والانهب زاده
****
والجزيره كلها كانت ظلام
والمساكن من معاشيش وخيام
وانتحت عنها مواثيق السلام
والقوي فيها سلب حق الضعيف
****
وساق ربي هالبطل
مامعه غير الأمل
ووفقه عز وجل
وألهمه فن القياده
****
واتجه عبد العزيز البطل صوب الرياض
مايهاب الموت ضاري على ورد الحياض
يقهر البيدا وعدّا الطويلات العراض
ينطره ميلاد دوله على النهج الحديث
****
جا من الشرق بحنينه
مامعه غير اربعينه
واتكل بالله عوينه
وخاشره حظه شداده
****
وجاه كل الشعب يعلن للولاء..
وسارِعوا بمجادهم نحو العُلاء
ومجدوا في ربهم وال السماء..
والولا لله ثم آل السعود
****
قالوا جينا مبايعين
لابو تركي طايعين
لو على حد السنين
دام يحكم بالشهاده
****
واليوم عز المملكة كلن يشوفه
وبسياسات الرزينين معروفه
ومن يعاديها نقل حتفه وخوفه
والسعودي صار بالعالم عزيز
****
والوطن روح المواطن
في عيونه دوم ساكن
ماتغيره الاماكن
حتى لو وسد كتاده
****
يالله ان تحفظ حكومتنا ..
بالسعود الغر قادتنا
بعد رب الكون عزوتنا ...
ومن نوا بالشر يبلا به
‏