الأسبوع الماضي كان لغز الأسبوع من طرح الشاعر/ محمد سعد اليحيى من الدوادمي والذي يقول: انشدك عن بنتين ما عنهن غناه دايم معك وقت اللزوم وبالسفر تشيلهن دايم معك صبح وغداه ولا لهن إلا الاهانه لا مفر وتوصل للحل شعراً يالي طرحت اللغز اناول من قراه وابشر بحله جاك مني مختصر ذيك النعول بجمع والمفرد حذاه هذي حلول اللغز جتك من الحفر عوض لافي الرشيدي.حفر الباطن هذي عسى راس الردي تبقى فداه اللي على درب المراجل ما ظفر دايم لها اشكال مع حضر ورعاه حذيان يلبسها الغني واللي طفر عويد بن سعيد الواهبي/ بيشة اللغز واضح من يفكر له لقاه حله بسيط ولا يبي زيد وعمر كل واحد ادمن مشى يلبس حذاه يحفظن رجليته عن اسباب الخطر زين مقبل العنزي.بريدة تعلين في الأقدام تلبسها المشاه تقي الإنسان من شيء خطير منها رخيص ومنها غال مشتراه ما نصبر عنهما وإن طال الدهر عبداللطيف الحُمياني - عنيزة عرفت حل اللغز يا مال الغناه يا بوسعد واضح مثل نور القمر واللي يبا المشوار ما ينسى (حذاه) يحتاجها واحيان تنجي من خطر خالد حسن ريمان العصيمي - الحوية سلام مني للخزامى والهواة وانا رمعت الحل من اول نظر والحل تكرمون إنت ومن قراه تعلين فيهن الوقاية للبشر عبدالله عبدالعزيز الصالح - حايل يا محمد اليحيى شراه اللي شراه اللي يبي يمشي على شوك وحفر هن نعلتين المودمي للي وطاه يمشي عليهن وصفهن مثل الكفر صلاح بن عبدالله اليابس - رحيمة وهناك حلول على أوزان أخرى اللغز معروف ومعروف مغزاه والحل ملبوس وحاجه توفر اسرج حصانك والبسه شد وحذاه الحل نعلين ونوب تنفر عبدالمحسن بن محمد المحيسن - رياض الخبراء اللغز حله يا محمد عرفناه مع صفحة خزامى نجيكم بالخبر لي رمعتن ما غيرها هي الحذاه دايم معانا صبح ولافي عصر عبدالعزيز العنزي.بريدة يا بوسعد نعلك برجليك تاطاه تحتاجله فدار وان كنت فالبر تشريه لازم قلت لو غلي مشراه تحتاجها فليرد ولا بعد حر سعد صنهات السهلي - الدرعية في صفحة الالغاز لغزك قريناه اللي عنه ما يغتني كل البشر واللي نوى الاسفار ما يترك احذاه فيها يتوقى الشوك ودروب الخطر خالد سليمان مرزوق الحربي - القصيم كما توصل للحز نثراً: سليمان الزارع من دومة الجندل، عبدالرحمن المشعل (الرياض). لغز الاسبوع كتبه للصفحة/ الشاعر محمد فرحان الفهيدي الحربي من القصيم ويقول: أنا بنشدك عن بنت تسير وجسمها معدوم واثرها بالوطن يوجد حقيقه خلقها عبره ترافق من يطيع الله وتمشي مع يهود الروم ولا سيطر عليها إلا رجل قد صار في قبره نستقبل الحلول على الفاكس: 014871070 ويفضل الارسال عبر الإيميل: [email protected] ونرحب بطرح الألغاز
