هذا الولاء يا المليك القلب ينبعبه

يا سلام يا عاهل خيره على شعبه
تحية الحق يا حامي الحرميني
شعبك يحبك ومنك الخير يطمعبه
والشعب كله لكم بالعهد وافيني
ما يلام شعبه بحبه لو تولعبه
وشعبك حماة الوطن بالعسر والليني
صقر السياسة وفيها يعرف اللعبه
يا منبع المعرفة وشيخ السلاطيني
حوار الأديان دعا له وجمعبه
وقال التسامح على طبع الكريميني
وما فيه مشروع خيرٍ ما تبرعبه
ويا الله عسى حسنته لك بالموازيني
سويت شي يعل الرب ينفع به
شي يفخر به قريب وبعيديني
لجل المواطن مجال العلم وسع به
وانفق على العلم مئات الملاييني
وأمرت بالابتعاث لشخص ابدعبه
واثبت بقوله وفعله بالبراهيني
قاد المسيرة لدرب الخير يطلع به
وانجز شي ما ينجز عدة سنيني
شي نشوفه وشي منك نسمع به
طور بلاده على كل المياديني
والمشكلة هينه لو إنها صعبه
يحلها بالسياسة والقوانيني
يا عون من جاه السبل تقطعبه
يا ريف كل اليتامى والمساكيني
شيدت ساس البنا والحقل تزرعبه
والأمن عم المواطن والمقيميني
حب الوطن حق من شخص ترعرع به
والشعب يخفر بما سويت راضيني
ومن لا أهتدى للهدى فالحق يرجع به
هدى الشريعة مطبق من أول وهالحيني
والعدل قايم وراع الحق يقنعبه
والسيف سلطه على رؤوس الشياطيني
هذا الولاء يا المليك القلب ينبعبه
والشعب كله لكم يالعز داعيني
الله ينصرك نصر كل العالم تولعبه
ينصرك نصرة صلاح بيوم حطيني
فديغم محمد حريشان الشملاني