وداع رمضان

عقب شهر الخير ودّع وخلاني
يا رمضان الناس قامت تعزّيني
فيك يا شهر المكارم والإحساني
موسم الخيرات ويرجح الديني
طالب المعبود ترجيح ميزاني
الغني يفرح وحتى المساكيني
الفقير يجيّتك صار شبعاني
الله اكبر زين جمع المصليني
يطلبون الرب رحمة وغفراني
زود فضلك كان بالحيل يغريني
برمضان مصفدٍ كل شيطاني
كلنا في وقتنا اليوم لاهيني
وهادم اللذات ما يترك إنساني
كم فقدنا قبل جيتك غاليني؟
راح أبو ماجد وهو حسبة اخواني
يا عسى خالد بروض وبساتيني
كان له في خافقي كان له شاني
من بكوا خالد على الدرب ماشيني
البشر من أوله إلى آخره فاني
حول نصف القرن ما شفت أنا الشيني
ولا أحدٍ زعلان منّا على الثاني
المصير الموت لو طالت اسنيني
اللحد ماواك وتصير وحداني
النهاية فوقنا لبنه وطيني
واقرب الاقراب يسّلى وينساني
الهوى وابليس والنفس تغويني
جل شأنه ربنا خير رحماني
واعذرونا كان بالقول مخطيني
هاجس الوجدان ينطق به لساني
تمت وصلوا الوف وملاييني
الصلاه على النبي تل عدناني
عبدالله جامع المطيري - الرس - الجامعية