اللغز

الأسبوع الماضي كان لغز الأسبوع من طرح الشاعر سعد صنهات السهلي والذي يقول:
ياويش رجل تفره حرمة فرا
ومنين ما جات له يالربع يفتري
لو جات له داخل الغرفة طلع برا
الرجل من دونها ما هوب ينظري
وقد توصل للحل شعراً:
اللغز فكرة تبي قناص تتحرا
قنصتها يا سعد وبفكرتك حصري
الشمس والظل وقت البرد والحرا
لا مال ملنا معه متسندٍ ظهري
صلاح اليابس - رحيمه
الشمس والظل بين الفر والكر
مهما تفره ترا مهوب ينضري
عقب العصر قلت لا بردن ولا حرا
فالبر مافيه لا ساهر ولا سري
سلطان دغش راجح السهلي - الدرعية
تنويه واعتذار
نعتذر للشعراء الذين قاموا الأسبوع الماضي بحل اللغز ولم نستطع نشر حلولهم وذلك لتأخرها في الوصول للصفحة وهم عايض الصقر من تبوك، نايف سعيدان الشمري، فيد التاريخية، عواد مطرود الشمري - حائل، شايش بن حجي بن رقاد، فرج ظاهر الغرنوق من الرياض، ونود ان ننوه ان مساء الاثنين من كل أسبوع هو آخر موعد لاستقبال الحلول.
لغز الأسبوع
كتبه للصفحة الشاعر محمد بن عبدالرحمن العريني من البدائع ويقول:
فيه الدليل وفيه كذب وبهتان
وفيه الدوا يا عارفين الحجاوي
واللغز مثل الصيد شاره ونيشان
واللي يحب الصيد دايم شقاوي
* نستقبل حلول اللغز على الفاكس (01/4871070) والأفضل الارسال عبر الايميل rb-khozama@alriyadh.com ونرحب بطرح الألغاز.