هيضتني يا ورق

يا ورق ياللي هيض القلب بالنوح
مدري طرب وألا من الحزن ياورق
ياللي تجر النوح فيّة الدوح
هيضتني ياورق في جّرة الطرق
إن كان مجروحٍ ترى القلب مجروح
انته وأنا في الحال ما بيننا فرق
من وحدةٍ مسكانها داخل الروح
غرقت في قاعة بحر حبها غرق
أبو كلامٍ لانطق جاك مملوح
وأبو ثناياً لاضحك وابتسم فرق
وأبو جديلٍ كنه الليل مشوح
وأبو خديدٍ لاتبين سنا برق
حبيتها والقلب في الحب مطروح
رمحٍ مرق في داخلي بالولع مرق
راع الهوى لو يكتم السر مفضوح
الحب يحرق مهجته بالولع حرق
الحب يبني صرح واْيهدّم صروح
باللي سرقت القلب من داخلي سرق
طولت مالك في عنا القلب مصلوح
وادموع عينٍ لا انتثر غزرها زرق
ان كان ناسي ياعنا القلب مسموح
وان كان جافي ما اعرف الذل والدرق
ان كان حبك لي مواعيد وجروح
شجره تراها مالها في الثرى عرق
الحب عمره مايجي ضحك ومزوح
رمحٍ ليامنه زرق صاحبه زرق
يقضي على قلبٍ معاليقه تفوح
ويطرق معاليقه على زرقته طرق
حباب ذعار بن شويش العتيبي