أعطتني الصافي من الروح للروح وعز الله إني ما تجملت فيها أهملتها والقلب بالحيل مجروح مجروح من حرقة فؤادي عليها يا ما سعت لمواصلي وين ما أروح ما تنقطع عني لو ما أبيها جتني فرح وأنا الذي جيتها نوح جت بالسرور وبالمعاناة أجيها أهدتني الراحة وأنا اهديت ساموح وتشهد على شين الجزا وجنتيها تكتم ولكن تنفجر لحظه البوح وتبكي ويمحي الدمع مترف يديها أشغلت داخلها ع غير مصلوح ولا شكت مني وأنا مبتليها وش ذنبها تحيا مع هم وجروح دام اشترتني ليه أنا ما اشتريها الواجب ارخص لاجلها العين والروح مادام أنا اللي حط الأوجاع فيها
