أطلال دارٍ عشقها سلني سلْ

مليت اجامل وارسم لضحكتي ظل
وملّت عيوني تلتفت صوب ظليّ
وتشوف كيف الحزن في داخله حلْ
غطى مساحاتي وغطى محليّ
يافرحة ايامي عسى عندك الحل
قدام خفاّق الشقاوي يوليّ
العمر يمضي والشقاء زاد ماقل
ابا اتسّلى بْس وين التسليّ
الصبر من صبري على مابدا مَلْ
وانا بعد مليت من كل كليّ
اضحك واجامل واحداً علني علْ
ماهو بداري في الزمن وش حصلي
مافارق الغالي والا فالشقاء طل
ولامَر باطلالٍ نباها يسليّ
اطلال دارٍ عشقها سلني سلْ
ازورها طرقي وتنبش سجليّ
واقوم اسجل ذكرياتي،، ويا مِلْ
قلب من الاطلال والحزن مَليّ
ياعل حيٍِ قد سكنها وياعل
ميتٍ سكنها جعل قبره يعَليّ
إيعْل فوقه وابل الخير ويهل
وتصبح جوانب ذيك الاركان ملَيّ
ويخضر ويزهابه ربيعٍ تمايلْ
طلت رياحينه بوردٍ وفُليّ
هذا الكلام وجعل ماقل يدّل
دربٍ له الاقدام عيّت تزليّ
وانا بحاول وأرسم لدمعتي ظل
لعلها تسكن مداهيل ظليّ
والحل والله مابقى عندي الحل
إلا دموعٍ كل لحظه تهليّ
مازن العوني